وققا ۇشقان شيرين ابۋ اكلە ء"ال-جازيرانىڭ" تانىمال ءجۋرناليستى جانە ءوز ورتاسىندا ۇلكەن قۇرمەتكە يە بولعان. ونىڭ ءولىمى بۇۇ باس حاتشىسى انتونيۋ گۋتەرريشتى دە الاڭداتتى. فوتو: رەيتەر

ءيزرايلدىڭ قارۋلى كۇشتەرى «ءال-جازيرا» ءتىلشىسىن اتىپ ءولتىردى. بۇل تۋرالى اتالعان ءىرى اقپارات اگەنتتىگى حابارلادى.

اگەنتتىكتىڭ حابارىنا قاراعاندا يزرايل اسكەرلەرىنىڭ باتىس جيەكتەگى ارنايى رەيدى كەيىندە «ءال-جازيرا» اگەنتتىنىڭ تانىمال ءجۋرناليسى شيرين ابۋ اكلە وققا ۇشقان. ول يزرايل اسكەرلەرىنىڭ سولتۇستىكتەگى وكۋپاتسيالانعان جانين ايماعىنداعى تاڭعى رەيدى جونىندە حابار تۇسىرۋگە بارعان. ۇستىندە «Press» جازۋى جازىلعان ارنايى كيىمى دە بولعان.

«ءال-جازيرا» اگەنتتىگى بۇل وقيعانى يزرايل اسكەرلەرى جاعىنان قاسا-قانا جاسالعان دەپ مالىمدەدى. كاتار رەسميلەرى بولسا بۇل كىسى ءولىمى بويىنشا ءيزرايلدى ايىپتاپ، «مەملەكەتتىك تەرروريزم» دەپ باعالادى.

ال، BBC حابارىندا يزرايل تارابى ارنايى تەرگەۋ جۇرگىزۋدى ۇسىنىس ەتىپ جاتقانى ايتىلعان.  رەسمي مالىمدەمەدە يزرايل شيرين ابۋ اكلە پالەستينالىق قارۋلىلاردىڭ قولىنان قازا تاپقان بولۋى دا مۇمكىن دەگەندى ايتادى، سەبەبى سول كەزدە يزرايل اسكەرلەرى وزدەرىنە قارسى وق جاۋدىرعان پالەستين كۇشتەرىمەن اتىسىپ جاتقانىن العا تارتادى.

مۇرات التىناي

The Qazaq Times