قازاقستان پرەزيدەنتى قاسىم-جومارت توقاەۆتىڭ جارلىعىمەن باقىتجان ساعىنتاەۆ الماتى قالاسىنىڭ اكىمى بولىپ تاعايىندالدى، – دەپ حابارلايدى اقوردانىڭ ءباسپاسوز قىزمەتى.
پرەزيدەنت ق.توقاەۆتىڭ جارلىعىنا سايكەس، ساعىنتاەۆ پرەزيدەنت اكىمشىلىگىنىڭ جەتەكشىسى قىزمەتىنەن بوساتىلىپ، ونىڭ ورنىنا التى جىل قىزىلوردا وبلىسىن باسقارعان قىرىمبەك كوشەرباەۆ تاعايىندالعان. وسىعان دەيىن قالا اكىمى بولعان باۋىرجان بايبەك مەملەكەت باسشىسىنىڭ جارلىعىمەن باسقا قىزمەتكە اۋىستى.
ايتا كەتەيىك، باقىتجان ساعىنتاەۆ 2016 جىلى قىركۇيەكتەن 2019 جىلدىڭ اقپانىنا دەيىن قازاقستان ۇكىمەتىن باسقارعان. 20 اقپاندا بۇرىنعى پرەزيدەنت نازارباەۆ ساعىنتاەۆ باسقارعان ۇكىمەتتى «ەكونوميكانى دامىتا المادى» دەپ سىنعا الىپ، وتستاۆكاعا جىبەرگەن بولاتىن. كەيىننەن ساعىنتاەۆتىڭ ورنىنا اسقار مامين كەلدى.
باقىتجان ءابدىرۇلى ساعىنتاەۆ 1963 جىلى 13 قازاندا دۇنيەگە كەلگەن. س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ فيلوسوفيا-ەكونوميكا فاكۋلتەتىن بىتىرگەن. 1985 جىلدان - الماتى حالىق شارۋاشىلىعى ينستيتۋتىنىڭ ساياسي ەكونوميا كافەدراسىنىڭ مەڭگەرۋشىسى. 1988 جىلدان س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ الەۋمەتتانۋ كافەدراسىندا اسسيستەنت، اعا وقىتۋشى، دوتسەنت. 1992 جىلدان كوممەرتسيالىق قۇرىلىمداردا باسشىلىق جۇمىستاردا بولدى.
1998 جىلدان جامبىل وبلىسى اكىمىنىڭ ورىنباسارى; 1999 جىلدان – قر شاعىن بيزنەستى قولداۋ اگەنتتىگى توراعاسىنىڭ ورىنباسارى; 2000 جىلدان – «شاعىن كاسىپكەرلىكتى دامىتۋ قورى» جاق باسقارما توراعاسى; 2001 جىلدان قر تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ اگەنتتىگى توراعاسىنىڭ ءبىرىنشى ورىنباسارى; 2004 جىلدان – قر تابيعي مونوپوليالاردى رەتتەۋ اگەنتتىگىنىڭ توراعاسى بولعان.
2007 جىلدان – قر پرەمەر-ءمينيسترى كەڭسەسىنىڭ باسشىسى. 2008 جىلدان – پاۆلودار وبلىسىنىڭ اكىمى. 2012 جىلعى قاڭتاردان قىركۇيەككە دەيىن – قر ەكونوميكالىق دامۋ جانە ساۋدا ءمينيسترى. 2012-2013 جىلدارى – «Nur Otan» پارتياسى توراعاسىنىڭ ءبىرىنشى ورىنباسارى قىزمەتتەرىن اتقارعان.
2013-2016 جىلدارى – قر پرەمەر-ءمينيسترىنىڭ ءبىرىنشى ورىنباسارى; 2016-2019 جىلدارى - قر پرەمەر-ءمينيسترى. 2019 جىلدىڭ 24 ناۋرىزىنان وسى ۋاقىتقا دەيىن قر پرەزيدەنتى اكىمشىلىگىنىڭ باسشىسى بولدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟