فوتو: ازاتتىق راديوسى

تۇركىستان وبلىسى، ارىس قالاسىنداعى جاعداي كۇللى قازاق ەلىن الاڭداتتى. مەملەكەت تاراپىنان تۇرعىنداردى قولداۋ، قاۋىپسىز ايماقتارعا كوشىرۋ شارالارى جۇرگىزىلدى. وبلىس اكىمى ومىرزاق شوكەەۆتىڭ تاپسىرماسىمەن اۋدان، قالالاردا تۇرعىنداردى قابىلدايتىن ورىندار ازىرلەندى.

باۋىرمال قازاق حالقى وسىناۋ قيىن ساتتە بىركىسىدەي جۇمىلىپ، مەيىرىم مەن بىرلىكتىڭ اسقاق ۇلگىسىن كورسەتىپ جاتىر. قيىن جاعدايعا تاپ بولعان ارىس قالاسىنىڭ تۇرعىندارىنا قالاي كومەكتەسەمىز؟ قالاي قول ۇشىن سوزا الامىز؟ وسىنداي سۇراقتارمەن شىنايى نيەتىن ءبىلدىرىپ جاتقان وتانداستارىمىز وتە كوپ.

مىنە، وسى سۇراقتارعا جاۋاپ بەرۋ ماقساتىندا تۇركىستان وبلىسى اكىمدىگىنىڭ رەسمي سايتىندا «ارىس – كومەك» دەگەن ارنايى بلوگ اشىلدى. ارىس قالاسىنداعى جارىلىستان كەيىن جاقىنىن، بالاسىن جوعالتقاندار وسى سايتقا كىرىپ، مالىمەت الا الادى. سونىمەن بىرگە تۋعان-تۋىسىن ىزدەگەن ازاماتتار arys.komek@mail.ru ەل.پوشتاسىنا بار مالىمەتتى جولداي الادى.

سونىمەن بىرگە قارجىلاي كومەك قولىن سوزامىن دەيتىن ازاماتتار ءۇشىن «تۇركىستان» كورپوراتيۆتىك الەۋمەتتىك دامۋ قورىندا ارنايى ەسەپ-شوت اشىلدى.

«تۇركىستان» كورپوراتيۆتىك الەۋمەتتىك دامۋ قورى رەكۆيزيتتەرى

تۇركىستان وبلىسى

تۇركىستان قالاسى، كىزىلوردا تاس جولى ، 34 ا عيماراتى،

پوشتا يندەكسى 161200

بسن (بين) 100440016000

«ForteBank» اق تۇركىستان قالاسىنداعى فيليالى

جسك (يك) KZ7196528F0007014540

بسك (بيك) IRTYKZKA

وسى ەسەپ-شوت جاريالانا سالىسىمەن ارىس جۇرتشىلىعىنا قايىرىمدىلىق جاساۋدى ءجون كورگەن ازاماتتار بىردەن ىسكە كىرىستى. قازىر ارىستىقتارعا كومەكتەسكىسى كەلەتىن كەز كەلگەن ازامات جوعارىداعى ەسەپ-شوتقا اقشا اۋدارا الادى.

بۇگىنبەلگىلى شىمكەنتتىك كاسىپكەر-مەتسەنات قايرات مولداسەيىتوۆ ارىستاعى تۇرعىندار مۇقتاجدىعى ءۇشىن 10 ملن. تەڭگە اۋداردى. ول وزگە دە كاسىپكەرلەردى يگىلىكتى ىسكە شاقىردى.

ەندەشە، وسى ساتتە ارىستاعى حالىققا قولداۋ كورسەتىپ، جومارت جۇرەك تانىتايىق، اعايىن. بۇل قيىندىقتى كۇللى الاش جۇرتى بولىپ بىرگە جەڭەمىز!

تۇركىستان وبلىسى اكىمىنىڭ ءباسپاسوز قىزمەتى

“The Qazaq Times”