گونكونگتە 2 ميلليونعا جۋىق ادام نارازىلىق شەرۋىنە شىقتى. بۇل گونكونگ تاريحىندا بولماعان ماسسالىق نارازىلىق اكتسياسى. جەكسەنبى كۇنى بيلىك تارابى ارنايى مالىمدەمە جاساپ حالقىنان كەشىرىم سۇرادى، جۇرت نارازى بولعان ەكستراديتسيالاۋ تۋرالى زاڭ جوباسىن قابىلداۋدى دا ۋاقىتشا توقتاتىپ قويدى. الايدا،  زاڭنىڭ كەرى قايتارىلۋىن تالاپ ەتكەن ءجۇز مىڭداعان ادامنىڭ نارازىلىق شەرۋى جالعاسىپ جاتىر. 

پوليتسيا تارابىنىڭ رەسمي مالىمەتىندە نارازىلىق شەرۋىنە 338 مىڭ ادام قاتىسقان. ال ۇيىمداستىرۋشىلاردىڭ ەسەبىنشە شەرۋشىلەر سانى بۇدان بىرنەشە ەسەگە كوپ. ءتىپتى، شارانى ۇيىمداستىرۋشىلاردىڭ ءبىرى جين مينشان ءبىر كۇن بۇرىنعى شەرۋگە 2 ملن ادام قاتىسادى دەپ جوسپارلاپ وتىرعانىن دا جەتكىزگەن.

ايرىقشا تۇزىممەن باسقارىلىپ كەلە جاتقان گونكونگتە وزىنە ءتان زاڭ-ەرەجەلەرى بار. ال، ەكستراديتسيا تۋرالى گونكونگ قىتايدىڭ وزگە ولكەلەرىمەن (پروۆينتسيا) جەكە-جەكە كەلىسىمدەرى بار. ال، بەيجىڭنىڭ قابىلداعان جاڭا زاڭى گونكونگ ازاماتىن قىتايدىڭ وزگە ولكەلەرى تالاپ ەتۋى بويىنشا ەكستراديتسيالاۋى كەرەك. نارازىلىق شاراسى وسى زاڭ جوباسىنا قارسى وتۋدە.

بىراق، بەيجىڭ بيلىگى دەموكراتيالىق قۇندىلىقتارعا ساي نارازىلىق اكتسياسىنىڭ ءوتۋىن "ۇناتىپ وتىرعان جوق". "بۇل گونكونگتىڭ اۆتونوميالىق قۇقىعىن شەكتەۋگە يتەرمەلەيدى" دەپ ەسكەرتۋدە.

“The Qazaq Times”