اقش ينۆەستورلارى قازاقستانمەن ىنتىماقتاستىق ورناتۋعا نيەتتى

امەريكانىڭ ينۆەستورلارى قازاقستانمەن ارىپتەستىك ورناتۋعا نيەتتى. بۇل تۋرالى اقش-تىڭ اريزونا شتاتىنداعى وكىلدەر پالاتاسى حابارلادى.

اريزونادان شەتەلدىك دەلەگاتسيانى باستاپ كەلگەن وكىلدەر پالاتاسىنىڭ توراعاسى راسسەل باۋەرستىڭ ايتۋىنشا، ەكى ەل اراسىنداعى ساۋدا-ساتتىق 90 جىلدارى قارقىن العان، بىراق ۋاقىت وتە كەلە الىس-بەرىس، بارىس-كەلىس ءبىراز باسەڭدەگەن. ەندى كاسىپكەرلەر ەكى مەملەكەت اراسىنداعى سول بايلانىستى قالپىنا كەلتىرمەك. وكىلدەر پالاتاسىنىڭ سپيكەرى راسسەل باۋەرس: «ءبىز سان سالادا ۇزدىك تەحنولوگيالار ەنگىزۋدى ۇسىنامىز. اسىرەسە، اۋىل شارۋاشىلىعىندا ءبىزدىڭ تىڭ يننوۆاتسيالاردى قولدانۋ مۇمكىندىگىن قاراستىرعان ءجون. ويتكەنى ەكى ەلدىڭ كليماتى بىردەي. ال ءبىلىم بەرۋ سالاسىندا ءبىز قازاقستاندىق جوبالاردى قارجىلاندىرۋعا دايىنبىز»، – دەدى.

ايتا كەتەيىك، تاۋەلسىزدىك جىلدارى ىشىندە امەريكا كومپانيالارىڭىز تاراپىنان قازاقستانعا 50 ميلليارد دوللاردان استام ينۆەستيتسيا قۇيىلعان. 2018 جىلى ەكى ەل اراسىنداعى تاۋار اينالىمى 2 ميلليارد دوللارعا جەتتى. بولىنگەن قارجى ءبىلىم، مەديتسينا، اۋىلشارۋاشىلىق سالالارىن دامىتۋ ماقساتىندا جۇمسالۋى ءتيىس.

"The Qazaq Times"