كورنەكى سۋرەت. فوتو: https://borisovnews.by

الەكساندر لۋكاشەنكونىڭ ەسكەرتىلمەگەن، «قۇپيا» يناۋگۋراتسياسىنان كەيىن اقش كونگرەسمەندەرى بەلارۋستە قايتادان سايلاۋ وتكىزۋدى تالاپ ەتىپ وتىر. رەسمي مالىمدەمە اقش سىرتقى ىستەر كوميتەتىنىڭ سايتىندا جاريالاندى.

اقش كونگرەسى وكىلدەر پالاتاسىنا قاراستى سىرتقى ىستەر كوميتەتىنىڭ توراعاسى ەليوت ەنگەل جانە رەسپۋبليكالىق پارتيا وكىلى مايكل ماككول ءوز پارتيالارىنىڭ اتىنان وسى ماسەلەگە قاتىستى مالىمدەمە جاسادى.

مالىمدەمەدە: «ناعىز زاڭدى كوشباسشى انت بەرۋدى قۇپيا ءراسىم رەتىندە وتكىزبەيدى. ديكتاتورلىق بيلىككە قارسى تاريحي جانە بەيبىت نارازىلىقتار جاعدايىندا بۇل «يناۋگۋراتسيا» لۋكاشەنكونىڭ 9 تامىزداعى جالعان سايلاۋ كەزىندە 80% داۋىستى ءادىل تۇردە جيناماعانىن كورسەتتى. اقش تاراپى لۋكاشەنكونى وپپوزيتسيانىڭ ۇيلەستىرۋ كەڭەسىمەن ىنتىماقتاسۋعا جانە تاۋەلسىز باقىلاۋداعى ءادىل سايلاۋدى تالاپ ەتەتىن بەلارۋس ازاماتتارىنىڭ تاواپتارىن ورىنداۋدى تالاپ ەتەمىز»، – دەلىنگەن.

23 قىركۇيەكتە مينسكتەگى تاۋەلسىزدىك سارايىندا الەكساندر لۋكاشەنكونى ۇلىقتاۋ ءراسىمى ءوتتى. ول 9 تامىزدا وتكەن پرەزيدەنتتىك سايلاۋدا 80,10% داۋىسپەن التىنشى رەت مەملەكەت باسشىسى بوپ سايلاندى. سايلاۋدا 10,12% داۋىس جيناعان سۆەتلانا تيحانوۆسكايا سايلاۋ ناتيجەلەرىن مويىندامادى. وسىعان بايلانىستى ەلدە ءبىر ايدان استام ۋاقىت بويى بيىككە قارسى نارازىلىق اكتسيالارى ءوتىپ جاتىر. تاياۋدا تيحانوۆسكايا وپپوزيتسيانىڭ ۇيلەستىرۋ كەڭەسىن قۇرۋدى باستادى، ول جاڭا سايلاۋ جاريالانعانعا دەيىن نارازىلىق اكتسيالارىن جالعاستىرۋعا ۇندەيدى.

"The Qazaq Times"