وزبەكستاننىڭ ءۇش بىردەي اۋەجايى رەسەيدىڭ باسقارۋىنا ءوتتى.
وزبەكستاننىڭ سامارقانت، ۇرگەنىش جانە نامانعان قالالارىنىڭ اۋەجايلارى ۇزاق مەرزىمگە رەسەيدىڭ «نوۆاپورت» كومپانياسىنىڭ باسقارۋىنا بەرىلدى. اۋەجايلاردى بەرۋگە بايلانىستى كەلىسىم رەسەي پرەمەر-ءمينيسترى دميتري مەدۆەدەۆتىڭ تاشكەنتكە جاساعان ساپارىندا تالقىلانعان.
«نوۆاپورت» كومپانياسى ءباسپاسوز قىزمەتىنىڭ مالىمەتىنشە، حولدينگ باسشىسى رومان تروتسەنكو مەن وزبەكستان ترانسپورت ءمينيسترىنىڭ ورىنباسارى يلحوم ماحكاموۆ كەلىسىمگە 30 مامىر كۇنى تاشكەنت قالاسىندا قول قويعان.
2018 جىلى سامارقانت اۋەجايى 380 مىڭ، ۇرگەنىش اۋەجايى 330 مىڭ، نامانعان اۋەجايى 165 مىڭ جولاۋشىعا قىزمەت كورسەتكەن. ايتا كەتەتىن ءبىر جايت، وسى ۋاقىتقا دەيىن وزبەكستانداعى بارلىق اۋەجايلار مەملەكەتتىك "وزبەكستان اۋە جولدارى" كومپانياسىنىڭ يەلىگىندە بولعان. بولجام بويىنشا، قازىرگى ۋاقىتتا اتالمىش كومپانيا قارجىلاي قيىندىقتارعا تاپ بولىپ، بانكروت بولۋعا جاقىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى