قىرعىزستاننىڭ سىرتقى ىستەر مينيسترلىگى وروك اۋىلىندا تۇرعىندار اراسىندا بولعان جانجالعا بايلانىستى تۇركيانىڭ قىرعىزستانداعى ەلشىسى جەنگيز كاميل فىراتتىڭ سول اۋىلعا بارۋىنا بايلانىستى مالىمدەمە جاسادى.

"تۇرىك تاراپىنا قىرعىزستاننىڭ ىشكى ىسىنە ارالاسپاي، ەلدىڭ ۇلتتىق زاڭدارىن سىيلاۋعا شاقىرعان نوتا جىبەرىلدى", - دەيدى قىرعىزستاننىڭ ءسىم ءباسپاسوز قىزمەتى.

5 ماۋسىمدا شۋ وبلىسى وروك اۋىلىندا تاڭعى ايت نامازىنان كەيىن جاستار اراسىندا توبەلەس بولعان. سالدارىنان 2003 جىلى تۋعان ەكى ءجاسوسپىرىم اۋىر جاراقات العان.

وسىدان كەيىن زارداپ شەككەن جاستاردىڭ تۋىستارى جينالىپ، ۇرىس شىعارعان. سالدارىنان 12 ءۇي مەن ءبىر كولىكتىڭ تەرەزەسى شاعىلىپ، ءبىر شوپقورا ورتەنگەن.

وقيعا ورنىنا تۇركيانىڭ قىرعىزستانداعى ەلشىسى جەنگيز كاميل فىرات بارىپ، جەرگىلىكتى تۇرعىندارمەن كەزدەسكەن. ول جۋرناليستەرگە بەرگەن سۇقباتىندا بۇل اۋىلدا ەلشىلىك قىزمەتكەرى تۇراتىنىن، ونى الىپ كەتۋگە بارعانىن ايتقان. بىراق قىرعىز تارابى تۇرىك ەلشىلىگى ەل ىشىنە ارالسىپ وتىر دەپ سانايدى.

"The Qazaq Times"