![](https://qazaqtimes.com/kk/content/uploads/2019/06/9B646FB0-EC4F-4C5C-B8A9-F14B87BDC85C_cx0_cy7_cw0_w1023_r1_s-800x480.jpg?token=28efe36119f46a015c483cec4e1e357d)
بىشكەكتىڭ ءبىرىنشى ماي اۋداندىق سوتىندا ەلدىڭ بۇرىنعى باس پروكۋرورى ايدا ساليانوۆاعا قاتىستى بۇلتارتپاۋ شاراسى قارالىپ، ول 26 ماۋسىمعا دەيىن قاماۋعا الىندى. سوتقا ادۆوكاتىنان باسقا ەشكىم كىرگىزىلمەدى.
ونىڭ ادۆوكاتى رابيعا سىدىكوۆا سوتتان كامەلەتكە تولماعان ەكى بالاسى بارىن ەسكەرىپ، تەرگەۋ اباقتىسىنا جاپپاۋىن سۇراعان.
سىدىكوۆانىڭ ايتۋىنشا، ەكس-باس پروكۋرورعا كوررۋپتسيا بابىمەن ءىس قوزعالعان.
3 ماۋسىمدا ءىىم ايدا ساليانوۆانى قىلمىس الەمىنىڭ بەلسەندىسى ازيز باتۋكاەۆتىڭ مەرزىمىنەن بۇرىن تۇرمەدەن شىعۋىنا بايلانىستى تەرگەۋگە شاقىرعان.
2013 جىلدىڭ ءساۋىر ايىندا نارىن قالالىق سوتى دارىگەرلەردىڭ "ايىقپاس دەرتپەن اۋىرادى" دەگەن انىقتاماسى نەگىزىندە ازيز باتۋكاەۆتى مەرزىمىنەن بۇرىن بوستاندىققا شىعارۋ جونىندە شەشىم قابىلداعان. بوساتىلعان كۇنى ول شەتەلگە قاشىپ كەتكەن.