ابزال قۇسپان: ساۋلە ابىلداحانقىزىنىڭ ىسىندە ساياسي استار بار

بۇگىن الەۋمەتتىك جەلىلەردە ازاماتتىق بەلسەندى ساۋلە ابىلداحانقىزىنىڭ ۇستالعاندىعى جونىندە اقپارات تارادى. وسىعان بايلانىستى ءبىز ابىلداحانقىزى مەن ادۆوكات ابزال قۇسپانعا حابارلاسىپ، ماسەلەنىڭ ءمان-جايىن بىلدىك.

ساۋلە حانىم «The Qazaq Times» پورتالىنىڭ تىلشىسىنە ەكى ماشينامەن پوليتسيا قىزمەتكەرلەرى ءوزىن ناۋرىزباي اۋدانىنىڭ ءىىد الىپ بارا جاتقاندىعىن جانە ءوزىنىڭ ۇستىنەن ارعىنوۆا گۇلدانا ەسىمدى ازاماتشانىڭ ارىز جازعاندىعى جونىندە ايتتى.

ادۆوكات ابزال قۇسپان "ساۋلە ابىلداحانقىزىنىڭ ۇستىنەن قوزعالعان قىلمىستىق ءىستىڭ ساياسي استارى بار" دەپ ەسەپتەيدى.

«ساۋلە پاريجگە بارعانعا دەيىن ونىڭ ۇستىنەن ەشقانداي ارىز تۇسپەدى. ول سوندا بارىپ كەلگەنەن كەيىن ارىز جازۋشىلار كوبەيدى. بۇنىڭ ساياسي استارى بار دەپ ەسەپتەيمىن. مەن قازىر باسقا قالادامىن. بىراق ساۋلەنى قورعاۋعا مەنىڭ ادۆوكاتتارىم بارادى. مەن ءوزىم دە الداعى ۋاقىتتا سوندا بارامىن» - دەپ مالىمدەدى ابزال قۇسپان.

ەستەرىڭىزگە سالايىق، مامىر ايىندا ساۋلە ابىلداحانقىزى ءبىر توپ وپپوزيتسيا وكىلدەرىمەن بىرگە فرانتسيا استاناسى پاريج قالاسىنا بارىپ، قازاقستاننىڭ ەكس-پرەمەر-ءمينيسترى اكەجان قاجىگەلدين مەن اتىراۋ وبلىسىنىڭ بۇرىنعى اكىمى بەرگەي رىسقاليەۆپەن كەزدەسكەن. كەزدەسۋ بارىسىندا قازاقستانداعى بيلىك ءترانزيتى، پرەزيدەنت سايلاۋى جسدپ «اقيقات» پارتياسىنىڭ الدا كەلە جاتقان پارلامەنت سايلاۋىنا دايىندىعى جونىندە تالقىلاۋلار بولعان.

"The Qazaq Times"