قازاقستاننان ساياسي باسپانا الا الماعان سايراگۇل ساۋىتباي شۆەتسياعا قونىس اۋداردى. بۇل جونىندە ونىڭ ادۆوكاتى ايمان وماروۆا حابارلادى.

ايمان وماروۆانىڭ سوزىنشە، سايراگۇل ساۋىتباي ماۋسىم ايىنىڭ 2-ىنەن 3-نە قاراعان ءتۇنى شۆەتسياعا ۇشىپ كەتكەن. وعان بىرىككەن ۇلتتار ۇيىمى كومەك قولىن سوزىپ، شۆەتسيا ءوز قامقورلىعىنا العان.

2018 جىلى الماتى وبلىسىنىڭ پانفيلوۆ اۋداندىق سوتى قازاقستان شەكاراسىن زاڭسىز كەسىپ وتكەن ەتنيكالىق قازاق سايراگۇل ساۋىتبايدى التى ايعا باس بوستاندىعىنان ايىرىپ، كەيىننەن ونى شارتتى جازاعا الماستىرعان.

ساۋىتبايدىڭ بوسقىن مارتەبەسىن بەرۋگە بايلانىستى ءوتىنىشىن الماتى وبلىستىق پوليتسيا دەپارتامەنتىنىڭ جانىنان قۇرىلعان «بوسقىن مارتەبەسىن بەرۋگە» بايلانىستى ارنايى كوميسسيا ونىڭ ءوتىنىشىن قابىلداماي تاستاعان. اتالمىش شەشىمدى زاڭسىز دەپ تانۋعا بايلانىستى سوت ءالى كۇنگە دەيىن جالعاسۋدا.

"The Qazaq Times"