ناسا عالىمدارى مارستىڭ "جۇرەگىن" تاپتى

ناسا قىزمەتكەرلەرى مارستىڭ تاۋ شاتقالدارى تەكتەس ايماقتارى بەينەلەنگەن سۋرەتتى جاريالادى. سۋرەتتە ۇساق تۇيىرشىكتەردىڭ استىنداعى عالامشاردىڭ تاۋلى ايماقتارىن بايقاۋعا بولادى. 

سۋرەت Mars Reconnaissance Orbiter اپپاراتىنا جالعانعان High Resolution Imaging Science Experiment (HiRISE) كامەراسىمەن تۇسىرىلگەن بولاتىن. سۋرەتتە قىزىل عالامشاردىڭ بەتكى قاباتتارىنداعى تاۋ جىنىستارى مەن عالامشاردىڭ تاۋلى ايماقتارى كورسەتىلگەن. تاۋلاردىڭ كوپ بولىگىن قۇم توبەلەرى باسىپ جاتقاندىقتان،  تاۋلى ايماقتىڭ قۇرىلىمىن تولىق  كورۋ مۇمكىن ەمەس.

عالىمدار بۇل سۋرەتتەگى بەينەنىڭ ادام جۇرەگىنە ۇقساستىعىن بايقاعاندىقتان،  "مارستىڭ جۇرەگى" دەگەن اتاۋ بەردى.

“The Qazaq Times”