فوتو: cdn.ru

اقش-تىڭ اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارماسى (NASA) مارسقا Ingenuity تىكۇشاعىن جىبەردى.

Ingenuity جوباسىنىڭ عىلىمي جەتەكشىسى ميمي ونگتىڭ مالىمەتىنشە, قۇرىلعى شامامەن 5 م بيىكتىككە كوتەرىلىپ، كامەرانى ءار ءتۇرلى باعىتتا قولدانۋى ءتيىس. وسىدان كەيىن Ingenuity ۇشۋ ورنىنا قايتادى.

مارستان جەرگە Perseverance روۆەرىنىڭ كومەگىمەن جىبەرىلگەن اقپارات NASA-عا شامامەن ماسكەۋ ۋاقىتىمەن 16:21-دە كەلۋى كەرەك. 19 ساۋىردە وتكەن العاشقى ءساتتى ۇشۋ سىناعىنداعىداي، تىكۇشاقتىڭ قوزعالىسى Perseverance كامەرالارىمەن بەكىتىلەدى.

وتكەن دۇيسەنبىدە سالماعى 1,8 كگ بولاتىن تىكۇشاق اۆتونومدى تۇردە مارس بەتىنەن شامامەن 3 م بيىكتىككە كوتەرىلدى. ونىڭ ۇشۋى 39,1 سەكۋندقا سوزىلدى. سول كۇنى NASA-دا وتكەن ءباسپاسوز ءماسليحاتىندا الداعى ەكى اپتادا تىكۇشاقتىڭ كەمىندە ءتورت رەيسى جوسپارلانعانى جاريالاندى.

Ingenuity (اعىلشىننان «ونەرتاپقىش» دەگەندى بىلدىرەدى) – مارستا ۇشۋ مۇمكىندىگىن انىقتاۋعا ارنالعان ۇشقىشسىز تىكۇشاق درونى. «مارس-2020» ميسسياسى بويىنشا Perseverance روۆەرىنە بەكىتىلگەن تىكۇشاق 2021 جىلدىڭ 3 ساۋىرىندە وسى روۆەردەن ءبولىنىپ، مارس بەتىنە جىبەرىلدى.

"The Qazaq Times"