فوتو: https://www.inform.kz

ۇلتتىق ەكونوميكا مينيسترلىگى كاسىپكەرلىكتى دامىتۋ دەپارتامەنتىنىڭ ديرەكتورى اسلانبەك جاقىپوۆ ءۇش جىلعا سوتتالدى.

سونداي-اق مەملەكەتتىك قىزمەتتە ءومىر بويى ەڭبەك ەتۋ قۇقىعىنان ايىرىلدى. بۇگىن نۇر-سۇلتان قالاسىنىڭ ەسىل اۋداندىق سوتىندا ونىڭ ىسىنە قاتىستى سوت وتىرىسى اياقتالدى. ايىپتالۋشى سوتتا ءوز كىناسىن تولىق مويىندادى. شەنەۋنىك 18 ساۋىردە تانىسىنان 500 مىڭ تەڭگە كولەمىندە پارا العانى ءۇشىن ۇستالعان بولاتىن. سوت شەشىمى بويىنشا قر قىلمىستىق كودەكسىنىڭ 190-بابى 3-بولىگى بويىنشا («الاياقتىق، ياعني بوتەننىڭ مۇلكىن جىمقىرۋ نەمەسە الداۋ نەمەسە سەنىمدى تەرىس پايدالانۋ جولىمەن بوتەن مۇلiككە قۇقىقتى يەمدەنۋ») جاۋاپقا تارتىلعان.

كەزەكتى سوت وتىرىسى بارىسىندا وتباسىلىق جاعدايىنا قاتىستى سۇراقتارعا جاۋاپ بەرگەن جاقىپوۆ: «ەكى جوعارى ءبىلىمىم بار: زاڭگەرلىك جانە ەكونوميكالىق. ساياساتتانۋدان ماگيسترلىك دارەجەم بار جانە ىسكەرلىك اكىمشىلىك دوكتورىمىن. جۇمىس ورنىم – قر ۇلتتىق ەكونوميكا مينيسترلىگىنىڭ كاسىپكەرلىكتى دامىتۋ دەپارتامەنتى»، – دەپ حابارلاعان.

"The Qazaq Times"