فوتو: dknews.kz

سەناتورلار نۇرسۇلتان نازارباەۆقا «قۇرمەتتى سەناتور» اتاعىن بەرمەك.

داريعا نازارباەۆانىڭ توراعالىعىمەن وتكەن پارلامەنت سەناتى بيۋروسىنىڭ وتىرىسىندا سەناتورلار تۇڭعىش پرەزيدەنتكە «قۇرمەتتى سەناتور» اتاعىن بەرۋ باستاماسىن ءبىر اۋىزدان ماقۇلدادى. ولاردىڭ سوزىنشە، نۇرسۇلتان نازارباەۆتىڭ تاۋەلسىز قازاقستاننىڭ دامۋىنا قوسقان ۇلەسى وراسان زور، سول سەبەپتى دە اتالمىش اتاققا لايىقتى.

«تاۋەلسىزدىك جىلدارى قازاقستاننىڭ ەلباسىنىڭ باسقارۋىمەن جەتكەن جەتىستىكتەرى ونىڭ دۇرىس جولدى تاڭداعانىنىڭ ايقىن دالەلى. ەلباسى سەنات جۇمىسىنا قاشان دا ايىرىقشا كوڭىل ءبولدى» - دەدى سەنات ۆيتسە-سپيكەرى ب. بەكنازاروۆ.

نۇرسۇلتان نازارباەۆقا «قۇرمەتتى سەناتور» اتاعىن بەرۋ شەشىمى پارلامەنت سەناتىنىڭ پالاتا وتىرىسىندا قابىلدانادى. ول مامىر ايىنىڭ 30-ى كۇنى وتەدى.

بۇعان دەيىن پرەزيدەنت قاسىم-جومارت توقاەۆتىڭ باستاماسىمەن استانا قالاسىنىڭ اتاۋى نۇر-سۇلتان بولىپ وزگەرتىلگەن. ال ودان بۇرىن نۇرسۇلتان نازارباەۆ قاۋىپسىزدىڭ كەڭەسىنىڭ ءومىر بويىعى توراعاسى بولىپ سايلانعان.

"The Qazaq Times"