تۇركيا ءسۇريا وپپوزيتسياسىن قارۋلاندىرۋدا.

«Reuters» اقپارات اگەنتتىگىنىڭ مالىمەتىنشە، تۇركيا باشار اساد رەجيمىنە قارسى سوعىسىپ جاتقان ءسۇريا وپپوزيتسياسىنا ارنالعان قارۋ-جاراق تاسىمالىن ارتتىرعان. رەسمي انكارا بۇنداي شەشىمدى ماسكەۋمەن يدليب ايماعىنا بايلانىستى كەلىسىمگە كەلە الماعاننان كەيىن قابىلداعان. تۇركيا رەسەيدەن يدليبكە شابۋىل جاساۋدى توقتاتۋدى سۇراعان. سەبەبى سوعىس اۋماعىنان تۇركياعا قونىس اۋدارۋشى بوسقىندار سانى سوڭعى ايلارى كۇرت وسكەن.

2018 جىلدىڭ قىركۇيەك ايىندا تۇركيا مەن رەسەي يدليبتە بەيبىت ايماق قۇرۋعا بايلانىستى كەلىسىمگە كەلگەن.

انكارا قازىردىڭ وزىندە ءسۇريا اۋماعىنا تانكىگە قارسى زىمىران جۇيەلەرىن، بروندالعان اسكەري كولىكتەر مەن گراد رەاكتيۆتى زىمىران جۇيەلەرىن جەتكىزگەن. ءسۇريا وپپوزيتسياسى تۇركيا قارۋىنىڭ ارقاسىندا اساد ارمياسى جاقىندا عانا ءوز باقىلاۋىنا العان كافر-نابۋدا قالاسىن باسىپ الۋى مۇمكىن.

"The Qazaq Times"