ەۋرازيالىق مەديا فورۋمىنىڭ قورىتىندى كۇنى ۇلتجاندىلىقتىڭ عالامدىق ترەندتەرى مەن الەمدەگى الپاۋىت ەلدەردىڭ سىرتقى ساياساتى توڭىرەگىندەگى قىزۋ پىكىرتالاسپەن باستالدى. باسقوسۋعا قاتىسقان اقش پرەزيدەنتى دونالد ترامپ سايلاۋ شتابىنىڭ باسشىسى جانە بۇرىنعى اعا-كەڭەسشىسى ستيۆ بەننون اقش-تا 2020 جىلى وتەتىن اقش پرەزيدەنت سايلاۋىنا قاتىستى پىكىر ءبىلدىردى.
"2020 جىلى اقش-تا وتەتىن پرەزيدەنت سايلاۋى تارتىستى بولماق. بيلىككە ۇمتىلعانداردىڭ قىزۋ باسەكەسىنە كۋا بولامىز. ال، وزىمە كەلەر بولسام، ول سايلاۋدا اقش-تىڭ قازىرگى پرەزيدەنتى دونالد ترامپتىڭ جەڭىسكە جەتەتىنىنە سەنەمىن", - دەدى ول.
سونداي-اق، ستيۆ بەننون الماتىدا ءوتىپ جاتقان XVI ەۋرازيالىق مەديا فورۋمعا قاتىستى اسەرىمەن ءبولىستى.
"قازاقستانداعى ەۋرازيالىق مەديا فورۋم جوعارى دەڭگەيدە ۇيىمداستىرىلعان. مودەراتورلاردىڭ دا دەڭگەيى جوعارى، ءارى كەزدەسۋلەردە تالقىلاناتىن تاقىرىپتار دا بۇگىنگى كۇن ءۇشىن وزەكتى. جالپى، مەن پانەلدىك سەسسيالارعا ءجيى قاتىسا بەرمەيمىن. بۇگىنگى مەديا فورۋمعا قاتىسقانىم قىزىقتى بولدى. فورۋم ۇيىمداستىرىلۋى جاعىنان العاندا نيۋ-يوركتەگى، ۆاشينگتون، كولۋمبيادا وتكەن باسقوسۋلاردان كەم تۇسكەن جوق. بۇل جەردە سول قالالارداعى پىكىرسايىسقا قاتىسقانداي اسەر الدىم", - دەپ اتاپ ءوتتى ستيۆ بەننون.
ايتا كەتەيىك، XVI ەۋرازيالىق مەديا فورۋمى 22-24 مامىر ارالىعىندا الماتىداعى TheRitz-CarltonAlmaty الاڭىندا وتكەن بواتىن. "بۇگىنگى الەم: شىنايىلىق ترانسفورماتسياسى؟" تاقىرىبىنا ارنالعان حالىقارالىق شارا شەڭبەرىندە الەمدىك جانە ايماقتىق دەڭگەيدەگى بىرقاتار وزەكتى ماسەلەلەر تالقىعا ءتۇستى. اتالعان ەۋرازيالىق مەديا فورۋمعا بيىل əلەمنىڭ 60 مەملەكەتىنەن 500-دەن استام دەلەگات قاتىستى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟