Foto: sputniknews.kz

Euraziyalıq media forumınıñ qorıtındı küni wltjandılıqtıñ ğalamdıq trendteri men älemdegi alpauıt elderdiñ sırtqı sayasatı töñiregindegi qızu pikirtalaspen bastaldı. Basqosuğa qatısqan AQŞ prezidenti Donal'd Tramp saylau ştabınıñ basşısı jäne bwrınğı ağa-keñesşisi Stiv Bennon AQŞ-ta 2020 jılı ötetin  AQŞ prezident saylauına qatıstı pikir bildirdi.

"2020 jılı AQŞ-ta ötetin prezident saylauı tartıstı bolmaq. Bilikke wmtılğandardıñ qızu bäsekesine kuä bolamız. Al, özime keler bolsam, ol saylauda AQŞ-tıñ qazirgi prezidenti Donal'd Tramptıñ jeñiske jetetinine senemin", - dedi ol.

Sonday-aq, Stiv Bennon Almatıda ötip jatqan XVI Euraziyalıq media forumğa qatıstı äserimen bölisti.

"Qazaqstandağı Euraziyalıq media forum joğarı deñgeyde wyımdastırılğan. Moderatorlardıñ da deñgeyi joğarı, äri kezdesulerde talqılanatın taqırıptar da bügingi kün üşin özekti. Jalpı, men panel'dik sessiyalarğa jii qatısa bermeymin. Bügingi media forumğa qatısqanım qızıqtı boldı.  Forum wyımdastırıluı jağınan alğanda N'yu-Yorktegi, Vaşington, Kolumbiyada ötken basqosulardan kem tüsken joq. Bwl jerde sol qalalardağı pikirsayısqa qatısqanday äser aldım", - dep atap ötti Stiv Bennon.

Ayta keteyik, XVI Euraziyalıq media forumı 22-24 mamır aralığında Almatıdağı TheRitz-CarltonAlmaty alañında ötken boatın. "Bügingi älem: şınayılıq transformaciyası?" taqırıbına arnalğan halıqaralıq şara şeñberinde älemdik jäne aymaqtıq deñgeydegi birqatar özekti mäseleler talqığa tüsti.  Atalğan Euraziyalıq media forumğa biıl əlemniñ 60 memleketinen 500-den astam delegat qatıstı.

"The Qazaq Times"