فوتو: kz.expert

كۇنى كەشە 41 جاستاعى ۆلاديمير زەلەنسكيدىڭ ۋكراينا پرەزيدەنتى بولىپ سايلانۋى قازاقستاندا قىزۋ تالقىلاندى. وسىعان بايلانىستى بۇگىن ءبىز الەم بويىنشا سوڭعى 5-6 جىلدا بيلىك باسىنا كەلگەن جاس ساياساتكەرلەردىڭ ءتىزىمىن جاساۋدا ءجون كوردىك.

جاستاردىڭ مەملەكەت باسشىسى بولۋى جاعىنان پايىزدىق كورسەتكىش بويىنشا ەۋروپا ەلدەرى كوش باستاپ تۇر. قازىرگى تاڭدا بيلىك باسىنداعى ەڭ جاس ساياساتكەر اۆستريا كاتسلەرى سەباستيان كۋرتس. ول 2017 جىلى نەبارى 31 جاسىندا اۆستريا كانتسلەرى بولىپ سايلاندى.

فوتو mia.mk

ەكىنشى ورىندا بەلگيا پرەمەر-ءمينيسترى شارل ميشەل. ول 2014 جىلعى (38 جاسىندا) سايلاۋدا جەڭىسكە جەتىپ، قازىرگى كۇنگە دەيىن وسى قىزمەتتە.

فوتو slbc.lk

يۋري راتاس 38 جاسىندا ەستونيا پرەمەر-ءمينيسترى بولىپ سايلاندى. 2019 جىلى وتكەن پارلامەنت سايلاۋدا راتاس كواليتسياسى كوپشىلىك داۋىس الىپ، ول جاڭا ۇكىمەت جاساقتاپ، پرەمەر-مينيستر قىزمەتىن جالعاستىرۋدا.

فوتو delfi.ee

مالتا پرەمەر-ءمينيسترى دجوزەف مۋسكات 2013 جىلى بيلىك باسىنا 39 جاسىندا كەلدى.

فوتو: MaltaGov

ەمانۋەل ماكرون 2017 جىلى 39 جاسىندا فرانتسيا پرەزيدەنتى بولىپ سايلاندى.

فوتو: RFI

ليۋكسەمبۋرگ پرەمەر-ءمينيسترى كساۆە بەتتال 2013 جىلى ۇكىمەت باسىنا 40 جاسىندا كەلدى.

2016 جىلى مولداۆيا پرەزيدەنتى بولىپ 41 جاستاعى يگور دادون سايلاندى.

اتى شۋلى نيكول پاشينيان 2018 جىلى 42 جاسىندا ارمەنيا پرەمەر-ءمينيسترى بولىپ سايلاندى.

فوتو: ۆۆس

2015 جىلى 42 جاسىندا پولشا پرەزيدەنتى بولىپ اندجەي دۋدا سايلاندى.

45 جاستاعى زۋزانا چاپۋتوۆا 2019 جىلى سلوۆاكيا پرەزيدەنتى بولدى.

2015 جىلى كاناداداعى پارلامەنت سايلاۋىندا ليبەرالدار جەڭىسكە جەتىپ، 44 جاستاعى پارتيا جەتەكشىسى دجاستين تريۋدو پرەمەر-مينيستر بولىپ سايلاندى.

ديكتاتورلار اراسىندا جاستار كوشىن سولتۇستىك كورەيا باسشىسى كيم جوڭ ۋن باستاپ تۇر. ول ەلىن 2016 جىلدان بەرى باسقارىپ كەلەدى. كيم جوڭ ۋن بيلىك باسىنا 30 جاسىندا كەلگەن.

بيلىك باسىنا جاستاردىڭ كەلۋى جاعىنان قازاقستاندا قالىسپايدى. مىسالى، تۇڭعىش پرەزيدەنت نۇرسۇلتان نازارباەۆ 1989 جىلى 26 ماۋسىم كۇنى سول كەزدەگى قازاقستان كوممۋنيستىك پارتياسى ورتالىق كوميتەتىنىڭ ءبىرىنشى حاتشىسى بولىپ نەبارى 49 جاسىندا تاعايىندالعان. نازارباەۆتىڭ بيلىك باسىنا كەلۋى عانا ەمەس، ونىڭ تاۋەلسىز قازاقستاندى باسقارۋ مەرزىمى دە الەم بويىنشا الدىڭعى قاتاردا. ول ەلدى 29 جىل، 8 اي، 26 كۇن باسقاردى. 30 جىلعا تۇپ-تۋرا 4 كۇن 3 اي جەتپەي قالدى. ال ماۋسىم ايىنىڭ 9-ى كۇنى وتەتىن كەزەكتەن تىس پرەزيدەنت سايلاۋىنا «نۇر وتان» اتىنان قاتىسىپ جاتقان قاسىم-جومارت توقاەۆ 66 جاستا. ونىڭ سايلاۋداعى باستى قارسىلاسى وپپوزيتسيالىق ساياساتەر ءامىرجان قوسانوۆ جاقىندا عانا 55 جاسقا تولدى.

فوتو; ايف

"The Qazaq Times"