ەۋروكوميسسيا ورتالىق ازيا ەلدەرىنە قاتىستى جاڭا قۇجات قابىلدادى.

مامىر اينىڭ 15-ءى كۇنى ەۋروكوميسسيا ورتالىق ازيا ەلدەرىمەن جاڭا ستراتەگيالىق بايلانىس ورناتۋعا بايلانىستى قۇجات قابىلدادى. 16 بەتتەن تۇراتىن قۇجاتتا ەۋرووداقتىڭ الداعى ۋاقىتتا قازاقستان، وزبەكستان، قىرعىزستان، تۇركىمەنستان جانە تاجىكستانمەن قارىم-قاتىناستا نەنى كوزدەيتىندىگى جونىندە ايتىلعان.

قۇجاتتا «2015 جىلى بريۋسسەل مەن قازاقستان قول قويعان كەڭەيتىلگەن ارىپتەستىك پەن سەرىكتەستىك تۋرالى كەلىسىم ەۋرووداقتىڭ ايماقتاعى جۇمىسىنىڭ نەگىزى بولادى» دەلىنگەن. قازىرگى تاڭدا ەۋروكوميسسيا قىرعىزستان جانە وزبەكستانمەن ءدال وسىنداي قۇجاتقا قول قويۋ جونىندە كەلىسسوزدەر جۇرگىزۋدە.

ەۋروكوميسسيا ورتالىق ازيا ەلدەرىمەن بايلانىس ورناتۋعا بايلانىستى ستراتەگيالىق قۇجاتىن 2007 جىلى قابىلداعان. بۇل جولعى قۇجات سول كەزدەگى ستراتەگيانى جاڭارتۋ بولىپ تابىلادى.

"The Qazaq Times"