قازاقستان پرەزيدەنتى قاسىم-جومارت توقاەۆ بىرقاتار كادرلىق تاعايىنداۋ جاسادى. بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسىنىڭ وكىمدەرىمەن: نۇرلان الماسۇلى ءابدىراحمانوۆ قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى توراعاسىنىڭ ورىنباسارى قىزمەتىنە تاعايىندالدى;

ولەگ الەكساندروۆيچ سمولياكوۆ قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنىڭ توراعاسىنىڭ ءبىرىنشى ورىنباسارى قىزمەتىنە تاعايىندالدى، ول قازاقستان رەسپۋبليكاسى ۇلتتىق بانكى توراعاسىنىڭ ورىنباسارى قىزمەتىنەن بوساتىلدى;

ماريا جامالوۆنا حادجيەۆا قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى توراعاسىنىڭ ورىنباسارى قىزمەتىنە تاعايىندالدى;

اقىلجان مالىكۇلى بايماعامبەتوۆ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى قىزمەتىنە تاعايىندالدى;

ءاليا مەيىربەكقىزى مولدابەكوۆا قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى قىزمەتىنە تاعايىندالدى.

سونىمەن قاتار پرەزيدەنت وكىمىمەن ەرلان ساپارۇلى ورازباي قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى قىزمەتىنە تاعايىندالدى. ونىڭ الدىندا مەملەكەت باسشىسىنىڭ وكىمىمەن مۇرات دۇيسەنبەكۇلى ايتەنوۆ پرەزيدەنت ءىس باسقارۋشىسىنىڭ ورىنباسارى قىزمەتىنەن بوساتىلعان.

"The Qazaq Times"