ءىىم كۇشەيتىلگەن جۇمىس رەجيمىنە كوشتى.
مامىر ايىنىڭ 6-ى مەن 12-ءى كۇندەرى ارالىعىندا ىشكى ىستەر ورگاندارىنىڭ جەكە قۇرامى كۇشەيتىلگەن جۇمىس رەجيمىنە كوشەدى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى حابارلادى.

مينيسترلىكتىڭ مالىمدەۋىنشە، 6-12 مامىردا كوشەدە جانە قوعامدىق ورىنداردا قاۋىپسىزدىكتى قامتاماسىز ەتەتىن پوليتسيا جانە ارنايى جاساق كوبەيەدى. ءىىم "پوليتسيا مەرەكەلىك شارالار بولاتىن جەرلەر مەن "ماڭگىلىك داڭق - بەسسمەرتنىي پولك" شەرۋى وتەتىن كوشەلەردە قاۋىپسىزدىك شارالارىن كۇشەيتەتىنىن" حابارلادى.

مينيسترلىك قوعامدىق ءتارتىپتى بۇزۋ، شارالاردىڭ وتۋىنە كەدەرگى كەلتىرۋ فاكتىلەرى بولسا، پوليتسيا زاڭعا ساي جەدەل ارەكەت ەتەتىنىن ەسكەرتتى.

"The Qazaq Times"