قازاقستان مەن تۇركيانىڭ 2017-2020 جىلدارعا ارنالعان «جاڭا سينەرگيا» بىرلەسكەن ەكونوميكالىق باعدارلاماسىنا سايكەس، ەكى ەل اراسىنداعى ساۋدا اينالىمى 10 ميلليارد اقش دوللارىنا جەتۋ بەلگىلەندى.

قازاقستاننىڭ تۇركياداعى ەلشىسى ابزال ساپاربەكۇلى كايسەري پروۆينتسياسىندا كاسىپكەرلەرىمەن كەزدەسىپ، قوس ەمەملەكەتتىڭ ينۆەستيتسيالىق بايلانىسىن تالقىلادى. وسىعان بايلاىستى كايسەري وندىرىستىك ايماعىنىڭ باسقارما باسشىسى تاحير نۇرساچان: «كايسەري وندىرىستىك ايماعى – 42 جىلدىق تاجىريبەگە يە ەلىمىزدىڭ ەڭ العاشقى ورتالىقتارىنىڭ ءبىرى. قازىرگى ۋاقىتتا 1300-دەن استام كومپانيامىزدا 75 مىڭنان استام كىسىنى جۇمىسپەن قامتاماسىز ەتىپ وتىرمىز. بۇل تاجىريبەمىزدى اتا جۇرتتا دا قولدانۋدى كوزدەيمىز. ەگەر قازاقستان ءبىزدى دايىن وندىرىستىك ايماقپەن قامتاماسىز ەتەتىن بولسا، مۇنداعى تاجىريبەمىزدى باۋىرلاس ەلدە تولىق جۇزەگە اسىرۋعا دايىنبىز»، – دەپ مالىمدەدى. ەندى وسى باعىتتا قازاق-تۇرىك بىرلەسكەن ءوندىرىس ايماقتارىن قۇرىپ، ورتاق جوبالاردى جۇزەگە اسىرۋ جوسپارلانعان.

بۇگىندە قازاقستاندا تۇرىك كاپيتالىمەن جۇمىس ىستەيتىن 800-دەن استام كومپانيا بار. 2017 جىلدىڭ قورىتىندىسى بويىنشا، ەكى ەل اراسىنداعى تاۋار اينالىمىنىڭ جالپى كولەمى 1,9 ميلليارد دوللار بولدى.

"The Qazaq Times"