Foto: https://cdnuploads.aa.com.tr

Qazaqstan men Türkiyanıñ 2017-2020 jıldarğa arnalğan «Jaña sinergiya» birlesken ekonomikalıq bağdarlamasına säykes, eki el arasındağı sauda aynalımı 10 milliard AQŞ dollarına jetu belgilendi.

Qazaqstannıñ Türkiyadağı elşisi Abzal Saparbekwlı Kayseri provinciyasında käsipkerlerimen kezdesip, qos ememlekettiñ investiciyalıq baylanısın talqıladı. Osığan baylaıstı Kayseri öndiristik aymağınıñ basqarma basşısı Tahir Nwrsaçan: «Kayseri öndiristik aymağı – 42 jıldıq täjiribege ie elimizdiñ eñ alğaşqı ortalıqtarınıñ biri. Qazirgi uaqıtta 1300-den astam kompaniyamızda 75 mıñnan astam kisini jwmıspen qamtamasız etip otırmız. Bwl täjiribemizdi ata jwrtta da qoldanudı közdeymiz. Eger Qazaqstan bizdi dayın öndiristik aymaqpen qamtamasız etetin bolsa, mwndağı täjiribemizdi bauırlas elde tolıq jüzege asıruğa dayınbız», – dep mälimdedi. Endi osı bağıtta qazaq-türik birlesken öndiris aymaqtarın qwrıp, ortaq jobalardı jüzege asıru josparlanğan.

Büginde Qazaqstanda türik kapitalımen jwmıs isteytin 800-den astam kompaniya bar. 2017 jıldıñ qorıtındısı boyınşa, eki el arasındağı tauar aynalımınıñ jalpı kölemi 1,9 milliard dollar boldı.

"The Qazaq Times"