ورتالىق سايلاۋ كوميسسياسى پرەزيدەنت سايلاۋىنا قاتىساتىن ۇمىتكەرلەرگە قويىلاتىن تالاپتاردى جاريالادى.

ورتالىق سايلاۋ كوميسسياسىنىڭ وتىرىسىندا ۇمىتكەرلەرگە قويىلاتىن تالاپتاردىڭ ءتىزىمىن جاريالادى. تالاپ بويىنشا، كانديداتتار قازاق تىلىنەن ەمتيحان تاپسىرادى. اتاپ ايتقان ۇمىتكەرلەر ورتالىق سايلاۋ كوميسسياسى ۇسىنعان تاپسىرماعا سايكەس، اۋىزشا، جازباشا سىناقتان وتەدى.

بۇدان بولەك كانديداتتار ءوزىنىڭ اقىل-ەسى دۇرىس ەكەندىگىن دالەلدەيتىن 107 پسيحولوگيالىق تەكسەرۋدەن ءوتۋى ءتيىس.

قازاقستاندا كەزەكتەن تىس پرەزيدەنت سايلاۋى ماۋسىم ايىنىڭ 9-ى كۇنى وتەدى. ال كانديداتتاردى تىركەۋ مەرزىمى 28-ءشى ساۋىردە اياقتالادى. ازىرگە ەل اۋماعىندا تىركەلگەن التى پارتيانىڭ ەشقايسىسى پرەزيدەنتتىككە ۇمىتكەر ۇسىنعان جوق.

"The Qazaq Times"