رەسەي ەۋرازيالىق ەكونوميكالىق وداق كوميسسياسىنان قازاقستانعا وداقتان تىس ەلدەردەن قانت يمپورتتاۋعا بەرىلگەن جەڭىلدىكتەردى الىپ تاستاۋدى تالاپ ەتتى.

ربك پورتالىنىڭ مالىمەتىنشە، ەۋرازيالىق ەكونوميكالىق وداق كوميسسياسى مەن كەڭەسىنە رەسەي ۆيتسە-پرەمەرى جانە قارجى ءمينيسترى انتون سيلۋانوۆ «قازاقستانعا قانت يمپورتتاۋعا بەرىلگەن جەڭىلدىكتەردى الىپ تاستاۋدى سۇراپ» ءوتىنىش جاساعان. ونىڭ سوزىنشە، قازىرگى تاڭدا ەاەو اۋماعىندا قانت تاپشىلىعى بايقالمايدى. سول سەبەپتى قازاقستانعا وداقتان تىس ەلدەردەن قانت ساتىپ الۋعا ەشقانداي نەگىز جوق. ونىڭ ۇستىنە قازاقستان ونسىزدا قانتتىڭ باسىم كوپشىلىگىن رەسەيدەن الادى.

ەاەو زاڭدارى بويىنشا، ۇيىمعا مۇشە ەلدەردىڭ ۇلتتىق كومپانيالارىنا جەڭىلدىكتەر بەرەتىن ەركىن ساۋدا ايماعى بار. وسىعان سايكەس، قازاقستان وداققا مۇشە ەمەس ەلدەردەن جىلىنا 400 مىڭ توننا قانت ونىمدەرىن يمپورتتاۋعا قۇقىلى.

ەگەر ەۋرازيالىق ەكونوميكالىق وداق كوميسسياسى رەسەي ءوتىنىشىن قابىلدايتىن بولسا، قازاقستان ۋكراينا مەن ەۋروپادان قانت ونىمدەرىن كەدەن سالىعىنسىز يمپورتتاي المايدى. ال بۇل دەگەنىمىز قازاقستان كونديتەرلىك كومپانيالارى مەن ءتاتتى سۋسىن ونىمدەرىن وندىرەتىن كاسىپورىندارى ايتارلىقتاي قيىندىقتارعا تاپ بولادى دەگەن ءسوز.

"The Qazaq Times"