نۇرسۇلتان نازارباەۆ ارمەنيا ەكس-پرەزيدەنتى روبەرت كوچاريانعا جەدەل حات جولدادى.

«قازاقستاننىڭ تۇڭعىش پرەزيدەنتى نۇرسۇلتان نازارباەۆ ەكس-پرەزيدەنت روبەرت كوچاريانعا جەدەل حات جولدادى. وندا ول قازاقستاندا بولىپ جاتقان سوڭعى ساياسي جاڭالىقتار جونىندە ايتتى جانە الداعى ۋاقىتتا جەكە قارىم-قاتىناستارىن جالعاستىرا بەرۋگە مۇددەلى ەكەندىگىن جەتكىزدى» - دەلىنگەن كوچاريان ءباسپاسوز قىزمەتى تاراتقان مالىمدەمەدە.

2018 جىلدىڭ 26 شىلدەسىندە ارمەنيا ارنايى تەرگەۋ قىزمەتى ەكس-پرەزيدەنت روبەرت كوچارياندى «كونستيتۋتسيالىق قۇرىلىمدى قۇلاتۋ» بابى بويىنشا كۇدىكتى دەپ تانىپ، ەكى ايعا قاماۋعا العان. كەيىننەن اپەللياتسيالىق سوت كوچارياننىڭ ەكس-پرەزيدەنت ستاتۋسىن العا تارتىپ ونى بوستاندىققا شىعارعان. جەلتوقسان ايىندا كوچاريان قايتادان قاماۋعا الىندى. سول ۋاقىتتان بەرى سوت 18 قاڭتاردا جانە 15 ناۋرىزدا ونىڭ قاماۋ مەرزىمىن ەكى رەت ۇزارتتى.  اقپاندا ارمەنيا ارنايى تەرگەۋ قىزمەتى كوچاريانعا قاتىستى باستالعان قىلمىستىق ءىستىڭ اياقتالعانىن جانە ەكس-پرەزيدەنتتىڭ «كونستيتۋتسيالىق قۇرىلىمدى قۇلاتۋ»، «اسا ءىرى كولەمدە پارا الۋ» باپتارى بويىنشا كىنالى ەكەندىگى انىقتالعانىن مالىمدەگەن.

"The Qazaq Times"