گەرمانيا كانتسلرى انگەلا مەركەل جانە قازاقستان پرەزيدەنتى قاسىم-جومارت توقاەۆ. فوتو: اقوردا

گەرمانيا قازاقستان ەكونوميكاسىنا 8,5 ميلليارد دوللار مولشەرىندە ينۆەستيتسيا قۇيعان. ينۆەستيتسيالاردىڭ 90%-ى شيكىزاتقا قاتىسى جوق سالالارعا سالىنعان. بۇل جونىندە قاۋىپسىزدىك جونىندەگى ميۋنحەن كونفەرەنتسياسىندا ءمالىم بولدى.

كەشە قازاقستان پرەزيدەنتى اتالعان كونفەرەنتسياعا قاتىسۋ ماقساتىندا ميۋنحەنگە رەسمي ىسساپارمەن كەتكەن بولاتىن. جيىنعا 40-قا جۋىق مەملەكەتتىڭ باسشىلارى، 100-دەن استام سىرتقى ىستەر جانە قورعانىس مينيسترلەرى، حالىقارالىق قاتىناستار سالاسىنداعى بەدەلدى ساراپشىلار قاتىپاق. سونىمەن قاتار، قاسىم-جومارت توقاەۆ ساپار بارىسىندا گەرمانيانىڭ وڭتۇستىگىنە دە بارادى. ميۋنحەن كونفەرەنتسياسىنىڭ جۇمىسىنا قاتىسۋمەن قاتار، ول نەمىس بيزنەسىنىڭ كوشباسشىلارىمەن دە ەكى جاقتى كەزدەسۋلەر وتكىزەدى.

بۋندەستاگ دەپۋتاتى اكسەل فيشەر: «پرەزيدەنت توقاەۆتىڭ ەۋروپاعا العاشقى ساپارى گەرمانيادان باستالعانى زور ماعىناعا يە. بۇل ەكى ەلدىڭ قارىم-قاتىناسىنىڭ بەرىك ەكەنىنىڭ بەلگىسى. ءبىز ءۇشىن دە قازاقستان ورتالىق ازياداعى ەڭ ماڭىزدى ارىپتەس. ىنتىماقتاستىعىمىزدىڭ اۋقىمىن كەڭەيتۋگە مول مۇمكىندىكتەرىمىز بار. ەكونوميكامەن قاتار عىلىم مەن ءبىلىم بەرۋ سالالارىندا ارىپتەستىك ورناتتىق. ءبىز ءوز جاعىمىزدان ءاردايىم تاجىريبەمىزبەن بولىسۋگە دايىنبىز»، – دەيدى.

بيىل قازاقستان جانە گەرمانيا اراسىندا ديپلوماتيالىق قاتىناستاردىڭ ورناعانىنا 28 جىل تولىپ وتىر. وسىدان ەكى اي بۇرىن قازاقستان پرەزيدەنتى مەن گەرمانيا كانتسلەرى كەزدەسۋ وتكىزىپ، ناتيجەسىندە تاراپتار 2,4 ميلليارد دوللار كولەمىندە كەلىسىمشارتقا قول قويعان. قازىرگى ۋاقىتتا قازاقستان ەكونوميكاسىنىڭ ءتۇرلى سالالارىندا نەمىس كاپيتالى بار 900-عا جۋىق كومپانيا جۇمىس ىستەيدى.  ولاردىڭ اراسىندا بۇكىل الەمگە تانىمال برەندتەرمەن قاتار شاعىن فيرمالار دا بار.

"The Qazaq Times"