يراندا پرەزيدەنتتىك سايلاۋعا دايىندىق باستالدى

يراندا 18 ماۋسىمدا پرەزيدەنت سايلاۋى وتەدى. وسى اپتادا ەل كونستيتۋتسياسىنىڭ قامقورشىلار كەڭەسى كانديداتتاردىڭ سوڭعى ءتىزىمىن جاريالادى.

يرنا اگەنتتىگىنىڭ مالىمەتىنشە، يران پرەزيدەنتى لاۋازىمىنا ۇمىتكەرلەر:

1. ير يبراحيم رايسي – سوت بيلىگىنىڭ قازىرگى باسشىسى;
2. ير ساياسي ورىندىلىعىن انىقتاۋ جونىندەگى كەڭەستىڭ مۇشەسى سايد دجاليلي;
3. ير ساياسي ورىندىلىعىن انىقتاۋ جونىندەگى كەڭەستىڭ حاتشىسى موحسەن رەزاي ميرگاەد;
4. ءماجىلىستى زەرتتەۋ ورتالىعىنىڭ باسشىسى جانە يران پارلامەنتىنىڭ بۇرىنعى وكىلى اليرەزا زاكاني;
5. يران پارلامەنتىنىڭ قازىرگى ۆيتسە-سپيكەرى امير حوسسەين گازيزادە حاشەمي;
6. 6. يراننىڭ دەنە تاربيەسى ۇيىمىنىڭ بۇرىنعى ۆيتسە-پرەزيدەنتى جانە باسشىسى موحسەن مەحر-اليزادە;
7. ير ورتالىق بانكىنىڭ قازىرگى باسشىسى ابدولناسەر حەمماتي.

يران كونستيتۋتسياسىندا پرەزي­دەنت­تىكتەن ۇمىتكەردىڭ جاسىنا جانە بىلىمىنە قاتىستى شارتتار جوق. پرەزيدەنتتىك سايلاۋ تۋرالى زاڭنىڭ 37-بابىنا سايكەس، ۇمىتكەر بولۋعا ءوتىنىش بىلدىرەر الدىندا كانديدات سول ۋاقىتتا اتقارىپ جاتقان قىزمەتىنەن بوساۋى ءتيىس. پرەزيدەنت زاڭداردى ىسكە اسىرۋمەن قاتار، جوسپارلاۋ، بيۋدجەت، باسقارۋ جانە جۇمىسپەن قامتۋ ماسەلەلەرىنە تىكەلەي جاۋاپتى بولادى. بىراق بۇل ماسەلەلەردى باسقارا وتىرىپ ورىنداۋدى باسقا دا مەملەكەتتىك قىزمەتكەرلەرگە تاپسىرۋى مۇمكىن.

يراننىڭ ساياسي جۇيەسىندە پرەزي­دەنت­تىك سايلاۋعا ىقپال ەتەتىن تاعى ءبىر قۋات­تى كونستيتۋتسيالىق ينستيتۋت – 12 مۇشەدەن تۇراتىن «كونستيتۋتسيانى قورعاۋ­شىلار كەڭەسى» بار. كەڭەستىڭ ءمىن­دەتى مەن وكىلەتتىگى – پارلامەنتتىك، پرەزيدەنتتىك. «ساراپشىلار كەڭەسى» مەن رەفەرەندۋم سايلاۋلارىن جانە بۇل سايلاۋلاردا ۇمىتكەر بولعانداردىڭ كونستيتۋتسيادا بەلگىلەنگەن شارتتارعا سايكەستىگىن باقىلاۋ نەگىزگى مىندەتى سانالادى. كەڭەستىڭ تاعى ءبىر باستى مىندەتى، كونستيتۋتسيانىڭ باپتارىنا تۇسىنىكتەمە بەرۋ جانە پارلامەنتتە قابىلدانعان زاڭداردىڭ يسلام مەن قۇقىققا سايكەستىگىن باقىلاۋ.

"The Qazaq Times"