Фото: https://qazaquni.kz

«Ақ жол» партиясының пленумы президент сайлауына үміткер таңдай алмады. Бұл туралы партияның баспасөз қызметі хабарлады.

Мәліметтер бойынша, Түркістан, Маңғыстау, Алматы облыстарының және Алматы, Нұр-Сұлтан қалаларының өкілдері партия төрағасы Азат Перуашевқа қолдау білдірген. Перуашевтің өзі партияның көшбасшылық базасын кеңейтіп, өзге де үміткерлердің сайлауға түсуіне қолдау білдіру керектігін айтты.

Партия мүшелері үміткерлерді талқылау мәселесін съездің шешіміне қалдырды. Ал партия съезі нақты шешімді 24 сәуірде қабылдайды.

Еске сала кетейік, 9 сәуірде мемлекет басшысы Қасым-Жомарт Тоқаев Қазақстан халқына үндеу жолдаған болатын. Үндеуде ол кезектен тыс президент сайлауы 2019 жылдың 9 маусымда өтетіндігін мәлімдеді.

"The Qazaq Times"