دۇنيەجۇزىلىك ەكونوميكا ءوسىمى باسەڭدەيدى

دۇنيەجۇزىلىك ەكونوميكا ءوسىمى باسەڭدەيدى.

حالىقارالىق ۆاليۋتا قورى 2019 جىلعى الەمدىك ءجىو ءوسىمىنىڭ تومەندەۋى مەملەكەتتەردىڭ قارجىلىق رەفورماسى مەن سىرتقى بايلانىستاعى كەلەڭسىزدىكتەرگە قاتىستى دەپ مالىمدەدى.

حۆق ساۋىردەگى «الەمدىك ەكونوميكانىڭ پەرسپەكتيۆالارى» اتتى شولۋىندا الەم ەلدەرىنىڭ 70%-ڭ ەكونوميكاسى سوڭعى ونجىلدىقتا ەڭ تومەنگى كورسەتكىشكە ياعني 3,3%-عا تۇسەتىندىگىن اتاپ وتكەن. دەگەنمەن 2020 جىلى ءوسىم بۇرىن جاسالعان بولجامعا سايكەس 3,6% بولۋى ءتيىس.

ۇلىبريتانيا جانە وزگە دە ەۋروپا ەلدەرىنىڭ ءجىو ءوسىمى 0,3%، ال اقش-تا 0,1%-عا تومەندەيدى. الەمدىك ءوسىمنىڭ باسەڭدەۋىنە اكەپ سوقتىراتىن باستى سەبەپتەردىڭ ءبىرى قىتاي ەكونوميكاسىنىڭ قۇلدىراۋى مەن حالىقارالىق ساۋدا ساياساتىنداعى جاعدايدىڭ شيەلەنىسۋى. سونىمەن قاتار، بريتانيانىڭ «Brexit» جوسپارى دا باستى سەبەپتەردىڭ قاتارىندا. «Morgan Stanley» امەريكالىق بانك حولدينگىنىڭ مالىمەتىنشە، قىتايداعى جالپى ىشكى ءونىم كورسەتكىشى ەكىنشى توقساندا باسەڭدەيدى. ەلدىڭ سىرتقى جانە ىشكى نارىقتاعى قارجىسى تۇراقتالماعاندىقتان، بانكتەر ارقىلى كەلەدى دەگەن قىرۋار قاراجاتتىڭ ەسەبى تەرىس كورسەتكىشكە جەتكەن. رەسمي ستاتيستيكالىق مالىمەتتەرىنە قاراعاندا، قاراشادا ساتۋ مولشەرى 8,1%-عا وسكەن. ال بۇل 2003 جىلدان بەرگى ەڭ تومەنگى ءوسىم كورسەتكىش. ساراپشى ماماندار اقش-پەن ساۋدا سوعىسىنان كەيىن قىتايدىڭ ەكونوميكالىق ءوسىمى 5,5%-عا تومەندەيدى دەپ بولجاعان. بىلتىر ءوسىم 6,6% دەڭگەيىنە جەتىپ، سوڭعى 30 جىلداعى ەڭ تومەنگى كورسەتكىش قاتارىنا ەندى.

"The Qazaq Times"