فوتو: http://edu.gov.kz

3 ساۋىردە ءال-فارابي اتىنداعى قازاق ۇلتتىق ۋنيۆەرسيتەتىندە جۋرناليستيكا فاكۋلتەتىنىڭ ءVى حالىقارالىق «فارابي وقۋلارى» جانە اقش-تىڭ قازاقستانداعى ەلشىلىگىمەن قازۇۋ-دىڭ بىرلەسكەن جوباسى اياسىندا «ستۋدەنتتەرگە مەدياساۋاتتىلىق قاجەت پە؟» تاقىرىبىندا حالىقارالىق جاستاردىڭ ونلاين كونفەرەنتسياسى ءوتتى.

كونفەرەنتسياعا م.ك امموسوۆ اتىنداعى سولتۇستىك-شىعىس فەدەرالدىق ۋنيۆەرسيتەتى (ياكۋتسك، رەسەي), مەملەكەتتىك الەۋمەتتىك-گۋمانيتارلىق ۋنيۆەرسيتەتى (كولومنا ق.، رەسەي), ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى، س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى جانە ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ ستۋدەنتتەرى مەن ماگيسترانتتارى قاتىسىپ، عىلىمي بايانداما جاسادى. شارا فيلول.ع.ك.، دوتسەنت، دەكاننىڭ عىلىمي-يننوۆاتسيالىق قىزمەت جانە حالىقارالىق بايلانىس جونىندەگى ورىنباسارى مىساەۆا قارلىعا ناقىسبەكقىزى جانە پروفەسسور يبراەۆا عاليا جۇنىسقىزى ۇيىمداستىرۋىمەن ءوتتى.

اتالعان جوبانىڭ ماقساتى – ستۋدەنتتەردىڭ مەدياساۋاتتىلىق جايلى بىلىمدەرىن ارتىرۋ، مەديا ءبىلىم بەرۋ سالاسىنداعى تاجىريبەلەرمەن ءبولىسۋ ارقىلى بولاشاقتا جاستاردىڭ اقپاراتتىق ساۋاتتىلىعىن قالىپتاستىرۋ.

جاستارعا ارنالعان شارادا قازاقستان جانە رەسەي ستۋدەنتتەرى وزدەرىنىڭ عىلىمي زەرتتەۋلەرى ارقىلى «ستۋدەنتتەرگە مەدياساۋاتتىلىق قاجەت پە؟» تاقىرىبىندا پىكىر الماستى. ونلاين كونفەرەنتسيانىڭ ناتيجەسى رەتىندە جۋرناليستيكا ماماندىعى بويىندا «مەدياساۋاتتىلىق» ءپانىن تاڭداۋ ءپانى رەتىندە ەنگىزۋ جانە مەديا ءبىلىم بەرۋگە ەرەكشە نازار اۋدارۋ قاجەتتىلىگى تۋرالى ۇسىنىستار جاسالدى. قاتىسۋشىلاردىڭ عىلىمي تەزيستەرى ستۋدەنتتەر مەن جاس عالىمداردىڭ «فارابي الەمى» اتتى حالىقارالىق عىلىمي كونفەرەنتسياسىنىڭ جيناعىنا جاريالاندى.

ونلاين پلاتفورماعا قاتىسۋشىلار بۇل شارانىڭ وزدەرى ءۇشىن تاجىريبەلىك ماڭىزى جانە ءبىلىمي قۇندىلىعى جوعارى بولعانىن ەرەكشە اتاپ ءوتتى. بولاشاقتا حالىقارالىق ونلاين كونفەرەنتسيانى جىل سايىن وتكىزىلەتىن شاراعا اينالدىرۋ ۇسىنىسى ءبىراۋىزدان قولداۋ تاپتى.

وسىنداي ءىس-شارالاردى وتكىزىپ وتىرعان وقۋ ورنىمەن بىزدە ارىپتەستىك ورناتامىز. http://kaznu.kz/kz/1206/page/

http://kaznu.kz/kz

"The Qazaq Times"