فوتو: amazonaws.com

ۇلىبريتانيادا Brexit-ءتى جويۋ تۋرالى پەتيتسيا جاريالاندى.

«Financial times» مالىمەتىنشە، پەتيتسياعا 31 ناۋرىزدا 6 ميلليون قول جينالعان. وسىعان بايلانىستى 1 ساۋىردە پارلامەنتتە تالقىلاۋ وتەدى.

Brexit جوسپارى داۋ تۋعىزعالى بەرى، 20 اقپاننان باستاپ پارلامەنت پەتيتسيا جاريالاعان. 18 ناۋرىزدا ول ۇكىمەتتىڭ رەاكتسياسى ءۇشىن قاجەتتى 10 مىڭ قول جينالسا، 20 ناۋرىزعا قاراي ولاردىڭ سانى 100 مىڭنان استى. نارازىلىق بىلدىرگەن حالىق ەۋروپالىق وداق قۇرامىنان شىعۋ تۋرالى شەشىمنىڭ پارلامەنتتە قايتا قارالۋىن تالاپ ەتتى.

وتكەن اپتادا ەۋرووداق قۇرامىنان شىعۋ تۋرالى كەلىسىمگە 286 دەپۋتات قولداۋ بىلدىرسە، 344 دەپۋتات قارسى داۋىس بەرگەن. ەندى بىرىككەن كورولدىكتىڭ 12 ساۋىردە ەۋروپالىق وداقتان جوسپارسىز شىعۋى ەكىتالاي. بريتانيا ساياساتىنداعى كەلەڭسىز جايتتاردى ەسكەرە وتىرىپ، ەو كەڭەسشىسى دونالد تۋسك 10 ساۋىردە كەزەكسىز سامميت وتكىزەتىن بولدى.

"The Qazaq Times"