ۋكراينا پرەزيدەنتى پەتر پوروشەنكو رەسەي باسشىسى ۆلاديمير پۋتينمەن كەزدەسۋى مۇمكىن ەكەندىگىن ايتتى.

ناۋرىز ايىنىڭ 27-ءى كۇنى پەتر پوروشەنكو ۋكراينا-رەسەي قارىم-قاتىناسىنا قاتىستى مالىمدەمە جاسادى. ول وندا رەسەي پرەزيدەنتى ۆلاديمير پۋتينمەن كەلىسسوز جۇرگىزۋى مۇمكىن ەكەندىگىن ايتتى. پوروشەنكونىڭ سوزىنشە، رەسەيمەن «نەگىزگى ماسەلەلەردى» تالقىلاۋدا كەلىسسوزدەر ۋكراينانىڭ حالىقارالىق ارىپتەستەرىنىڭ قاتىسۋىمەن ءوتۋى ءتيىس.

«ەكىجاقتىق كەلىسسوزدەر بولا ما؟ ارينە، ءبىز تاۋەلسىز مەملەكەتپىز» - دەدى پوروشەنكو.

بۇعان دەيىن پەتر پوروشەنكو الدا كەلە جاتقان پرەزيدەنت سايلاۋىنداعى جالعىز قارسىلاسى ۆلاديمير پۋتين ەكەندىگىن ايتقان.

«ۋكراينانى السىرەتەتىن دۇنيەنىڭ بارلىعى ءپۋتيندى كۇشەيتەدى. ءبىزدىڭ بۇگىنگى تاڭداۋىمىز – ۋكراينا نەمەسە رەسەي» - دەپ مالىمدەدى پوروشەنكو.

بۇدان بولەك ول رەسەي الدا كەلە جاتقان پرەزيدەنت سايلاۋىنا كەدەرگى كەلتىرۋ جوسپارىن ازىرلەپ جاتقاندىعىن ايتقان.

"The Qazaq Times"