مۇناي باعاسى قىمباتتادى، دەپ حابارلايدى Reuters اگەنتتىگى.

لوندون مەن نيۋ-يوركتىڭ شيكىزات بيرجالارىنداعى ساۋدا-ساتتىق قورىتىندىسى بويىنشا مۇناي باعاسى تاعى دا كوتەرلگەن. لوندونداعى ICE Futures بيرجاسىندا مامىر ايىندا جەتكىزىلەتىن «Brent» ماركالى مۇنايدىڭ فيۋچەرستەرى 0,59 دوللارعا قىمباتتاپ، 68,3 دوللارعا جەتكەن. ال نيۋ-يورك تاۋار بيرجاسىندا (NYMEX) ءساۋىر ايىندا جەتكىزىلەتىن WTI ماركالى مۇناي باعاسى 0,8 دوللارعا كوتەرىلىپ، ءبىر باررەلى 59,83 دوللارعا جەتتى.

2017 جىلى قازاقستان مۇنايىنىڭ ورتاشا باعاسى تونناسىنا 44 مىڭ تەڭگەگە جەتىپ، 13,6%-عا قىمباتتاعان بولاتىن. وسىلايشا، جىل سايىن وتاندىق قارا التىن باعاسى قىمباتتاپ كەلەدى. قازاقستان ەكونوميكاسى مۇناي نارىعىنا تاۋەلدى بولعاندىقتان، شيكىزات باعاسىنىڭ ارزانداپ نەمەسە قىمباتتاۋى ماڭىزدى. سەبەبى ەل بيلىگى ازىرگە ەكونوميكانى قۋاتتاندىراتىن بۇدان باسقا سالاعا ءالى بەت بۇرا الماي وتىر.

"The Qazaq Times"