Фото: jrsl.ca

Мұнай бағасы қымбаттады, деп хабарлайды Reuters агенттігі.

Лондон мен Нью-Йорктің шикізат биржаларындағы сауда-саттық қорытындысы бойынша мұнай бағасы тағы да көтерлген. Лондондағы ICE Futures биржасында мамыр айында жеткізілетін «Brent» маркалы мұнайдың фьючерстері 0,59 долларға қымбаттап, 68,3 долларға жеткен. Ал Нью-Йорк тауар биржасында (NYMEX) сәуір айында жеткізілетін WTI маркалы мұнай бағасы 0,8 долларға көтеріліп, бір баррелі 59,83 долларға жетті.

2017 жылы Қазақстан мұнайының орташа бағасы тоннасына 44 мың теңгеге жетіп, 13,6%-ға қымбаттаған болатын. осылайша, жыл сайын отандық қара алтын бағасы қымбаттап келеді. Қазақстан экономикасы мұнай нарығына тәуелді болғандықтан, шикізат бағасының арзандап немесе қымбаттауы маңызды. Себебі ел билігі әзірге экономиканы қуаттандыратын бұдан басқа салаға әлі бет бұра алмай отыр.

"The Qazaq Times"