فوتو: https://pbs.twimg.com

Google قىتاي اسكەرىنە كومەكتەسىپ جاتىر. بۇل تۋرالى اقش پرەزيدەنتى دونالد ترامپ مالىمدەدى.

ترامپ ءوزىنىڭ Twitter-دەگى پاراقشاسىندا: «Google قىتايعا جانە ونىڭ اسكەرىنە كومەكتەسىپ جاتىر، بىراق اقش-قا ەمەس! ولاردىڭ حيلاري كلينتونعا كومەكتەسكەنى جاقسى جاڭالىق شىعار، بىراق ترامپقا كومەگى قاجەت ەمەس. بۇل ءىستىڭ بارلىعى نەمەن اياقتالدى؟..»، – دەپ جازدى.

اقش-تىڭ شتابتار باسشىلىعى بىرىككەن كوميتەت توراعاسى گەنەرال دجوزەف دانفورد كونگرەستە Google كومپانياسى قىزمەتىنىڭ قىتايلىق اسكەريلەرگە كومەك رەتىندە باعىتتالعاندىعى تۋرالى ەسكەرتكەن بولاتىن. سونىمەن قاتار، اقش قورعانىس ءمينيسترى قىزمەتىن اتقارۋشى پاتريك شەناحان قىتايدىڭ امەريكالىق كومپانيادان تەحنولوگيا جىمقىرىپ جاتقانىن ايتقان. وسىلايشا، پەنتاگون وكىلدەرى اتالعان كومپانيانىڭ قىتاي ءۇشىن قىزمەت ەتىپ، اسكەري جاساقتى دامىتۋعا جاسىرىن تۇردە ۇلەس قوسىپ كەلگەنىن ايتتى. ال Google كومپانياسى قۇراما شتاتتاعى اۋقىمدى جوبالاردى قولداۋعا قارسىلىق ءبىلدىرىپ وتىر.

"The Qazaq Times"