فوتو: https://tengrinews.kz

قازاقستاندا جەمقورلىق جاساعانداردىڭ ءتىزىمى جاريالانۋى ءتيىس. بۇل تۋرالى «Transparency Kazakhstan» بىرلەستىگى حابارلادى.

«جەمقورلىققا قارسى كۇرەس» ماسەلەلەرىمەن اينالىساتىن بىرلەستىك مۇشەلەرى قازاقستان پرەزيدەنتىنە جەمقورلاردىڭ اشىق ءتىزىمىن جاساۋدى ۇسىندى. «Transparency Kazakhstan» قوعامدىق قورى: «قازىرگى ۋاقىتتا پرەزيدەنت اكىمشىلىگى ۇسىنىستىڭ تەحنيكالىق ماسەلەلەرىن قاراستىرىپ جاتىر»، – دەپ مالىمدەدى. بىرلەستىكتىڭ ويىنشا، «جەمقورلار» تىزىمىنە ەنگەن قىزمەتكەرلەر ەكىنشى مارتە پاراقورلىققا بارمايدى.

اتالعان ۇسىنىستان بولەك، مەملەكەتتىك قىزمەت ىستەرى اگەنتتىگى قازاقستاندا پارا الىپ سوتتالعانداردىڭ ءتىزىمىن جاسايتىنىن ايتقان. اگەنتتىك قوعام مۇشەلەرىنىڭ ۇسىنىسىن ماقۇل كورىپ، ازاماتتار تاراپىنان دا باقىلاۋدى كۇشەيتۋ ءۇشىن ءتىزىم جاساۋ تۋرالى ساۋال تاستادى.

"The Qazaq Times"