Фото: https://tengrinews.kz

Қазақстанда жемқорлық жасағандардың тізімі жариялануы тиіс. Бұл туралы «Transparency Kazakhstan» бірлестігі хабарлады.

«Жемқорлыққа қарсы күрес» мәселелерімен айналысатын бірлестік мүшелері Қазақстан президентіне жемқорлардың ашық тізімін жасауды ұсынды. «Transparency Kazakhstan» қоғамдық қоры: «Қазіргі уақытта президент әкімшілігі ұсыныстың техникалық мәселелерін қарастырып жатыр», – деп мәлімдеді. Бірлестіктің ойынша, «жемқорлар» тізіміне енген қызметкерлер екінші мәрте парақорлыққа бармайды.

Аталған ұсыныстан бөлек, мемлекеттік қызмет істері агенттігі Қазақстанда пара алып сотталғандардың тізімін жасайтынын айтқан. Агенттік қоғам мүшелерінің ұсынысын мақұл көріп, азаматтар тарапынан да бақылауды күшейту үшін тізім жасау туралы сауал тастады.

"The Qazaq Times"