ناتو قارا تەڭىزدە بولۋى مۇمكىن تۇراقسىزدىققا دايىندالۋدا

ناتو بولاشاقتا قارا تەڭىزدە بولۋى مۇمكىن تۇراقسىزدىققا دايىندالۋدا.

ناۋرىز ايىنىڭ 13-ءى كۇنى لوندون قالاسىندا حالىقارالىق قاتىناستار كورولدىك ينستيتۋتىنىڭ ۇيىمداستىرۋىمەن ەۋروپا ەلدەرى وكىلدەرىنىڭ باس قوسۋى ءوتتى. وندا ناتو باس حاتشىسىنىڭ ساياسي ماسەلەلەر بويىنشا كومەكشىسى جەيمس اپپاتۋراي قارا تەڭىزگە قاتىستى مالىمدەمە جاسادى.

« ايماقتا (قارا تەڭىزدە – رەد) الداعى جىلدارى تۇراقسىزدىق ورنايدى. ءبىز بۇعان دايىن بولۋىمىز كەرەك. سەبەبى رەسەي ءوزىنىڭ ايماقتاعى اسكەري كۇش-قۋاتىن ارتتىرۋدا. رەسەي قاشان كەتەدى؟ جاقىن ۋاقىتتا ما؟ مەن بۇلاي دەپ ويلامايمىن. قازىر ناتو ءۇشىن كۇن تارتىبىندەگى باستى ماسەلە قارا تەڭىز» - دەدى اپپاتۋراي.

بۇدان ولەك اپپاتۋراي اليانستىڭ بولاشاقتا ۋكراينا مەن گرۋزياعا كومەكتەسەتىنىن جانە قارا تەڭىزدەگى ستراتەگيالىق ماڭىزى بار پورتتى قالالار اۋمىعىندا بىرقاتار اسكەري وقۋ جاتتىعۋ جۇمىستارىن وتكىزەتىندىگىن مالىمدەدى.

"The Qazaq Times"