الجير حالقى قارتايعان پرەزيدەنتىن تاقتان تايدىرعىسى كەلەدى

وتكەن اپتانىڭ سوڭعى كۇندەرى الجير ازاماتتارى نارازىلىق شەرۋىنە شىعىپ، 82 جاستاعى پرەزيدەنت بۋتەفليكانىڭ پرەزيدەنتتىك سايلاۋعا تۇسۋىنە قارسىلىق تانىتتى.

بەلسەندىلەر نارازىلىق شەرۋىن الەۋمەتتىك جەلىلەر ارقىلى ۇيىمداستىرعان. بۇل الجيردە سوڭعى 20 جىل ىشىندە بولماعان ماسسالىق دەمونستراتسيا. ۇيىمداستىرۋشى بەلسەندىلەر بەرگەن مالىمەتتە 20 ملن ادام قاتىستى دەلىنگەن. نارازى توپپەن پوليتسەيلەر اراسىنداعى قاقتىعىستان 50 ادام جاراقات العان جانە 45 ادام تۇتقىندالعان.

ميلليونداعان ادام نارزىلىق شەرۋىنە شىقتى. فوتو: GETTY IMAGES/BBC.

بۇعان دەيىن 4 كەزەك پرەزيدەنت بولعان ابدەلازيز بۋتەليكا 2013 جىلى ينسۋلت العاندىقتان جۇرت كوزىنە كوپ تۇسە بەرمەيدى. ول بەلسەندىلەرگە قاراتا مالىمدەمە جاساپ، حالىقتىق شەرۋلەردى ءۇشىنشى كۇشتەر پايدالانىپ كەتۋىنەن، ناتيجەسىندە ەلدە اۋمالى-توكپەلى تۇراقسىزدىق ورناۋىنان  ساقتانۋدى ەسكەرتتى.

نارازىلىق اكتسياسىن الەۋمەتتىك جەلىلەر ارقىلى ۇيىمداستىرعاندىقتان، ەرەۋىلشىلەردىڭ باسىم كوبى جاستار بولعان. ءارى ەل جاستارىنىڭ 30 پايىزىنان كوبى جۇمىسسىز بولعاندىقتان، ولاردىڭ بيلىككە دەگەن نارازىلىعى ءورشىپ تۇر.

“The Qazaq Times”