Арбалы орындықта Алжир президенті. Фото: GETTY IMAGES/BBC.

Өткен аптаның соңғы күндері Алжир азаматтары наразылық шеруіне шығып, 82 жастағы президент Бутефликаның президенттік сайлауға түсуіне қарсылық танытты.

Белсенділер наразылық шеруін әлеуметтік желілер арқылы ұйымдастырған. Бұл Алжирде соңғы 20 жыл ішінде болмаған массалық демонстрация. Ұйымдастырушы белсенділер берген мәліметте 20 млн адам қатысты делінген. Наразы топпен полицейлер арасындағы қақтығыстан 50 адам жарақат алған және 45 адам тұтқындалған.

Миллиондаған адам нарзылық шеруіне шықты. Фото: GETTY IMAGES/BBC.

Бұған дейін 4 кезек президент болған Абделазиз Бутелика 2013 жылы инсульт алғандықтан жұрт көзіне көп түсе бермейді. Ол белсенділерге қарата мәлімдеме жасап, халықтық шерулерді үшінші күштер пайдаланып кетуінен, нәтижесінде елде аумалы-төкпелі тұрақсыздық орнауынан  сақтануды ескертті.

Наразылық акциясын әлеуметтік желілер арқылы ұйымдастырғандықтан, ереуілшілердің басым көбі жастар болған. Әрі ел жастарының 30 пайызынан көбі жұмыссыз болғандықтан, олардың билікке деген наразылығы өршіп тұр.

“The Qazaq Times”