فوتو: https://mail.kz

استاناداعى «بەيبىتشىلىك جانە كەلىسىم» سارايىنىڭ باس ديرەكتورى ءادىل ارىن قاماۋعا الىندى.

استانا قالالىق سوتىنىڭ ءباسپاسوز قىزمەتىنىڭ حابارلاۋىنشا، كۇدىكتى بيۋدجەتتەن 21 ميلليون تەڭگە كولەمىندە قارجى جىمقىرعان جانە ءبىراز ۋاقىت كولەمىندە  تاۋارلاردى ۇستەمە باعاعا ساتىپ كەلگەن. ول بۇل ءىستى ءوزىنىڭ قىزمەتكەرىمەن بىرگە جۇزەگە اسىرعان. ەندى ول ەكى اي مەرزىمگە ياعني 2019 جىلدىڭ 26 ساۋىرىنە دەيىنگى مەرزىمدە قاماۋدا. ونىڭ كىناسى دالەلدەنگەن جاعدايدا 12 جىلعا باس بوستاندىعىنان ايىرىلۋى مۇمكىن.

«بەيبىتشىلىك جانە كەلىسىم» سارايى – مەملەكەتتىك قازىنالىق كوممۋنالدىق كاسىپورىن. ول «الەمدىك جانە ءداستۇرلى ءدىنباسىلار كونگرەسىن» وتكىزۋ ماقساتىندا 2006 جىلى سالىنعان. ءادىل ارىن بۇعان دەيىن «قازاقفيلم» باسشىسى، سەنات دەپۋتاتىنىڭ كومەكشىسى جانە استانالىق ىشكى ساياسات دەپارتامەنتى باسشىسىنىڭ ورىنباسارى قىزمەتتەرىن اتقارعان.

"The Qazaq Times"