اقش رەسەي تىڭشىلارىنا قارسى كيبەروپەراتسيا وتكىزدى

اقش قارۋلى كۇشتەرىنىڭ كيبەرقاۋىپسىزدىك ءبولىمى 2018 جىلى اقش-تاعى ارالىق سايلاۋ كەزىندە پەتەربۋرگتە رەسەيلىك «ينتەرنەت-زەرتتەۋ اگەنتتىگىنە» (سونداي-اق «ترولل فابريكاسى» رەتىندە بەلگىلى) قارسى كيبەروپەراتسيا وتكىزدى.

Washington Post باسىلىمىنىڭ حابارلاۋىنشا، 2018 جىلدىڭ قاراشاسىندا بولعان كيبەرشابۋىل سالدارىنان اگەنتتىكتىڭ قۇپيا مالىمەتتەرى قولدى بولىپ، عالامتور جۇمىسى توقتاتىلعان. تەكسەرۋ ناتيجەسىندە امەريكاندىق كومپانيا رەسەيلىك «ترول فابريكاسىنىڭ» ءبىر ءبولىمىن دۇنيەجۇزىلىك جەلىدەن جويعان. ارنايى وپەراتسيا 5 قاراشادا، ياعني اقش-تاعى ارالىق سايلاۋ قارساڭىندا وتكىزىلگەن. باسىلىمدا ايتىلعانداي، اۋقىمدى وپەراتسيا رەسەي تاراپىنان تۋىندايتىن كيبەركەڭىستىكتەگى قاۋىپ-قاتەرلەرگە قارسى ارەكەت ەتۋ بويىنشا اقش بارلاۋ قىزمەتىنىڭ العاشقى جۇمىسى.

اقش-تىڭ كيبەر ءىسساپارى ۇلتتىق قورعانىس جانە اقش قورعانىس مينيسترلىگىنىڭ ستراتەگيالارىنا سايكەس ءبىزدىڭ سايلاۋلار مەن دەموكراتيالىق ينستيتۋتتاردى شەتەلدىك قاۋىپتەن قورعاۋ ماقساتىندا جۇمىس ىستەۋدى جالعاستىرماق.

رەسەي تاراپىنان كيبەرقىلمىستىڭ ارتۋىنا بايلانىستى وتكەن جىلى ناۋرىزدا اقش قارجى مينيسترلىگى رەسەيلىك كومپانيالارعا قارسى سانكتسيالار ەنگىزگەن بولاتىن. 2018 جىلى اقپاندا امەريكاداعى كولۋمبيا وكرۋگىنىڭ فەدەرالدى سوتى رەسەيلىك «ينتەرنەت-زەرتتەۋ اگەنتتىگى» 2016 جىلعى پرەزيدەنتتىك سايلاۋعا ارالاستى دەپ رەسمي تۇردە ايىپتادى. تەرگەۋ قورىتىندىسىنا سايكەس، كومپانيا قىزمەتكەرلەرى اقش ازاماتتارىنىڭ اتىنان الەۋمەتتىك جەلىلەردە اككاۋنتتار اشىپ، جەلىدە حيللاري كلينتون مەن دەموكراتيالىق پارتياعا قاتىستى قۇپيا اقپاراتتاردى ورنالاستىرعان. ال رەسەيلىك كومپانيا باسشىسى، پرەزيدەنت ۆلاديمير ءپۋتيننىڭ «سەنىمدى سەرىگى» ەۆگەني پريگوجين ءوزىنىڭ «تروللەي فابريكاسىنا» ەش قاتىسى جوق ەكەنىن جانە ونىڭ كومپانياسىنا تاعىلعان ايىپتىڭ جالعان ەكەنىن ايتىپ اقتالدى.

"The Qazaq Tımes"