اقش-تا جاڭا قارار قابىلداندى

اقش قاۋىمدار پالاتاسى مەكسيكامەن شەكاراداعى ماسەلەگە قاتىستى پرەزيدەنت دونالد ترامپ ەنگىزگەن توتەنشە جاعدايدى جويۋ تۋرالى قارار قابىلدادى.

Reuters اگەنتتىنىڭ حابارلاۋىنشا، قاۋىمدار پالاتاسى شەكارا ماسەلەسىن تالقىلاپ، بيىلعى بيۋدجەت جوباسىن تالقىلاعان. قۇجاتقا كونگرەسسمەندەردىڭ 245-ءى قولداپ داۋىس بەرسە، 182-ءسى قارسىلىق بلىدىرگەن. الداعى كۇندەرى سەناتتا جيىن وتكىزىلىپ، قارار ەرەجەسى تانىستىرىلادى. سەناتتاعىلار ماقۇلداعان جاعدايدا، اق ءۇي باسشىلىعى تەكسەرۋ ءتيىس. الايدا، ترامپ شەكارا ماسەلەسى رەتتەلمەيىنشە ەلدەگى توتەنشە جاعدايدىڭ جالعاساتىنىن ايتىپ، قارارعا ۆەتو قويماق.

ترامپ وسىعان دەيىن 8 قاڭتاردا حالىققا جولداۋ جاساپ، مەكسيكامەن اراداعى شەكارا ماسەلەسىنە قاتىستى 5,7 ملرد دوللارعا جۋىق قارجى ءبولۋ كەرەكتىگىن ايقان بولاتىن. بىراق، كونگرەستەگى دەموكراتتار پرەزيدەنتتىڭ بۇل ۇسىنىسىن قابىلداۋدان باس تارتىپ، بيىلعى بيۋدجەت كولەمى انىقتالعان جوق. بەكىتىلمەگەن بيۋدجەت سالدارىنان 22 جەلتوقساننان بەرى اقش فەدەرالدى بيلىگىنىڭ جۇمىسى ءىشىنارا توقتاتىلعان بولاتىن. بۇل ماسەلەگە قاتىستى دونالد ترامپتىڭ ءوزى: «ۇكىمەتتىڭ تولىعىمەن قاشان جۇمىسقا كىرىسەتىندىگىن ايتا المايمىن. شەكارادا قاقپا تۇرعىزىلمايىنشا «شاتداۋن» جالعاسا بەرەدى. بۇل قابىرعا ەلگە زاڭسىز كىرگىسى كەلەتىندەرگە توسقاۋىل بولادى. جاھاندىق كەسەلگە اينالعان ادام ساۋداسى مەن ەسىرتكى تاسىمالىنا نۇكتە قويادى. قازىرگى ۋاقىتتا ءبىز ادام ساۋدالاۋشىلاردى قولعا ءتۇسىرۋ ءۇشىن جۇمىس ىستەپ جاتىرمىز. ال مەكسيكامەن اراداعى شەكاراعا قاقپا سالىنبايىنشا، وسى اتالعان كەسەلدەرمەن كۇرەسۋ قيىنعا سوعادى»،– دەپ مالىمدەدى.

"The Qazaq Times"