اقش-تا توتەنشە جاعداي رەجيمى ءبىر جىلعا ۇزارتىلدى

اقش-تاعى توتەنشە جاعداي رەجيمى تاعى ءبىر جىلعا سوزىلدى. بۇگىن امەريكا پرەزيدەنتى دجو بايدەن پاندەميانىڭ الدىن الۋ ماقساتىندا وسىنداي شەشىمگە كەلدى.

ۇلتتىق توتەنشە جاعداي رەجيمى بىلتىر 13 ناۋرىزدا جاريالانعان. بايدەن ماقۇلداعان قۇجات 1 ناۋرىزدان باستاپ كۇشىنە ەنەدى. الەمدە ءولىم-ءجىتىم سانىنىڭ 18%-دان استامى امەريكادا تىركەلگەن.

23 اقپاندا امەريكادا كوروناۆيرۋستان قايتىس بولعان ازاماتتاردى ازا تۇتۋ كۇنى بوپ جاريالاندى. ەل پرەزيدەنتى دجو بايدەن تىكەلەي ەفيردە: «بۇگىن بىزدە وتە قارالى، جانعا باتارلىق كەزەڭ – 500 071 ادام قايتىس بولدى. پاندەميانىڭ ءبىر جىلىندا اجال قۇشقان امەريكالىقتار سانى ءبىرىنشى دۇنيەجۇزىلىك سوعىستى، ەكىنشى دۇنيەجۇزىلىك سوعىستى جانە ۆەتنام سوعىسىن قوسا العانداعى سانعا قاراعاندا – كوپ»، – دەدى.

سونىمەن قاتار، بايدەن كوروناۆيرۋس ىندەتىنەن كوز جۇمعان امەريكانىڭ 500 مىڭ حالقىن 1 مينۋت ۇنسىزدىكپەن ەسكە الىپ، وتانداستارىن الدەبىر تۇسىنىسپەۋشىلىكتەردى كەيىنگە قالدىرىپ، پاندەميامەن بىرلەسىپ كۇرەسۋگە شاقىردى.

"The Qazaq Times"