AQŞ qauımdar palatası Meksikamen şekaradağı mäselege qatıstı prezident Donal'd Tramp engizgen tötenşe jağdaydı joyu turalı qarar qabıldadı.

Reuters agenttiniñ habarlauınşa, qauımdar palatası şekara mäselesin talqılap, biılğı byudjet jobasın talqılağan. Qwjatqa kongressmenderdiñ 245-i qoldap dauıs berse, 182-si qarsılıq blidirgen. Aldağı künderi Senatta jiın ötkizilip, qarar erejesi tanıstırıladı. Senattağılar maqwldağan jağdayda, Aq üy basşılığı tekseru tiis. Alayda, Tramp şekara mäselesi rettelmeyinşe eldegi tötenşe jağdaydıñ jalğasatının aytıp, qararğa veto qoymaq.

Tramp osığan deyin 8 qañtarda halıqqa joldau jasap, Meksikamen aradağı şekara mäselesine qatıstı 5,7 mlrd dollarğa juıq qarjı bölu kerektigin ayqan bolatın. Biraq, Kongrestegi demokrattar prezidenttiñ bwl wsınısın qabıldaudan bas tartıp, biılğı byudjet kölemi anıqtalğan joq. Bekitilmegen byudjet saldarınan 22 jeltoqsannan beri AQŞ federaldı biliginiñ jwmısı işinara toqtatılğan bolatın. Bwl mäselege qatıstı Donal'd Tramptıñ özi: «Ükimettiñ tolığımen qaşan jwmısqa kirisetindigin ayta almaymın. Şekarada qaqpa twrğızılmayınşa «şatdaun» jalğasa beredi. Bwl qabırğa elge zañsız kirgisi keletinderge tosqauıl boladı. Jahandıq keselge aynalğan adam saudası men esirtki tasımalına nükte qoyadı. Qazirgi uaqıtta biz adam saudalauşılardı qolğa tüsiru üşin jwmıs istep jatırmız. Al Meksikamen aradağı şekarağa qaqpa salınbayınşa, osı atalğan keseldermen küresu qiınğa soğadı»,– dep mälimdedi.

"The Qazaq Times"