رەسەي تاجىكستانعا اسكەري قۇرىلعىلار بەردى.

ۇجىمدىق قاۋىپسىزدىك تۋرالى شارت ۇيىمى ءباسپاسوز قىزمەتىنىڭ مالىمەتىنشە، رەسەي تاجىكستانعا قايتارىمسىز كومەك رەتىندە جالپى قۇنى 9 ميلليون دوللاردى قۇرايتىن اسكەري قۇرىلعىلار بەرگەن. كومەك ەكى ەل پرەزيدەنتتەرىنىڭ كەلىسىمىنەن كەيىن جۇزەگە اسىرىلعان.

قۇرىلعىلار اراسىندا اۋە-قورعانىس جۇيەلەرى مەن ۇشاق جانە وزگە دە اۋە نىساندارىن تابۋعا ارنالعان راديولوكاتسيالىق ستانتسيالار بار.

ەستەرىڭىزگە سالايىق، بۇعان دەيىن رەسەي تاراپى «تاجىكستاننىڭ اۋعانستانمەن اراداعى شەكاراسى اۋماعىنا «يسلام مەملەكەتى» تەررورلىق ۇيىمىنىڭ سودىرلارى جينالۋدا، ولاردى پاكىستاننان تىكۇشاق ارقىلى تاسىمالداۋدا» دەگەن مالىمدەمە تاراتقان. بىراق تاجىكستان بيلىگى رەسەيدىڭ بۇل مالىمدەمەسىن جوققا شىعارىپ، اۋعانستانمەن اراداعى شەكارا تولىقتاي باقىلاۋلارىندا ەكەندىگىن ايتقان.

"The Qazaq Times"