جىل سايىن فرانتسۋز ريۆەرىندە وتەتىن نيتستسا كارناۆال شەرۋى بيىل مىڭداعان كورەرمەن مەن قاتىسۋشىلاردى تاعى دا قىزىقتىردى.
نيتستساداعى كارناۆال – برازيليالىق جانە ۆەنەتسيالىق كارناۆالدارمەن قاتار الەمدەگى ەڭ ءىرى جانە ەڭ كونە شارا.
فوتو: APP
وسى جىلى رەسەي پرەزيدەنتى ۆلاديمير پۋتين، فرانتسيا پرەزيدەنتى ەممانۋەل ماكرون مەن ونىڭ جۇبايى بريجيت بەينەسىندەگى قۋىرشاق تالقىعا ءتۇستى. كورەرمەندەردىڭ پىكىرىنشە، پۋتين بەينەسىندەگى قۋىرشاق الەمدىك جاعدايداعى ساياسي جاعدايدى كورسەتۋ ءۇشىن جاسالىنعان. اسىرەسە، ءپۋتيندى ەۋروپا ەلدەرىنىڭ رەسەيمەن قارىم-قاتىناسىنا، سولسبەريدەگى جانە ازوۆتاعى جاعدايعا ەش ءمان بەرمەيتىن كەيىپتە كورسەتكەن. «سارى جەيدە» كيگەن ماكرون بەينەسى فرانتسياداعى ەرەۋىل، حالىق نارازىلىعىنا دەگەن كوزقاراستى، ال وسى قۋىرشاقتى قولىنا ۇستاعان اقش پرەزيدەنتى دونالد ترامپ «ساياساتتاعى الىپ سايقىمازاق» رەتىندە بەينەلەنگەن.
فوتو: REUTERS
بيىلعى كارناۆال تاقىرىبى – «كينو كورولى». ەندى 16 اقپان مەن 2 ناۋرىز ارالىعىندا نيتستساداعى 135-ءشى كارناۆال بارىسىندا بۇكىل الەمنىڭ مىڭنان استام بيشىلەرى مەن مۋزىكانتتارى قاتىساتىن التى شەرۋ وتەدى.
فوتو: REUTERS
سونىمەن قاتار، نيتستسادا «Victorine Studios» كينوستۋدياسىنىڭ 100 جىلدىعى جانە جان كوكتو، الفرەد حيچكوك، ۆۋدي اللەن، مارسەل كارنە جانە باسقا دا جەتەكشى رەجيسسەرلەر ءوز كارتينالارىن تۇسىرگەن لازۋر جاعاسىندا الەمدىك كينەماتوگرافيا مەرەيتويى تويلانادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى