فرانتسيا قايتالاي تەررورلىق شابۋىلدىڭ قاتەرىنە تۇس كەلدى

فرانتسيا پرەزيدەنتى ەممانۋەل ماكرون ەلدىڭ تەررورلىق شابۋىلداردىڭ قاتەرىنە قايتالاي تاپ بولعانىن مالىمدەدى. مۇنداي مالىمدەمەسىن ول نيتستساعا بارعان ساپارىندا جاسادى.

بۇدان بۇرىن نيتستساداعى كاتوليكتەر شىركەۋىندە شابۋىل بولىپ، بىرنەشە ادام پىشاقتالىپ، ءۇش ادام قازا تاپتى. شابۋىل شىركەۋدە سيىنۋ بولىپ جاتقان كەزدە بولعان.

«فرانتسيا ءوز قۇندىلىقتارى ءۇشىن كۇرەستە كەرى شەگىنبەيدى»، – دەدى ماكرون سوزىندە، – «ءسوز ەركىندىگى مەن پىكىر ەركىندىگى رەسپۋبليكامىزدىڭ نەگىزىن قالاعان قۇندىلىقتار»، – دەگەن. ول ەل ارمياسىنا موبليزاتسيا جاريالادى جانە شىركەۋلەردەگى كۇزەتتى كۇشەيتە تۇسكەنىن ءبىلدىردى.

فرانتسيا پرەزيدەنتىنىڭ مۇسىلماندار تۋرالى پىكىرلەرى كوپتەگەن مۇسىلمان ەلدەرىنىڭ شامىنا تيگەن. بىرقاتار مۇسىلمان ەلدەرىندە ماكرونعا قاراتا نارازىلىق ارەكەتتەرى بولۋدا. ناتيجەسىندە كەيبىر ۇشقارى دىنشىلدەر جاعىنان فرانتسيانىڭ ءىرى قالالارىندا تەررورلىق شابۋىل قاۋپى كۇشەيگەن.

“The Qazaq Times”